Volltextsuche über das Angebot:

19 ° / 14 ° Regenschauer

Navigation:
Dat Plattspräkzentrum in’t Enzephalon

Dat Plattspräkzentrum in’t Enzephalon

Wolfgang Mahnke über neueste Erkenntnisse beim Erlernen einer Fremdsprache

As dei Fritz Reuter Gesellschaft, dei John Brinckman Gesellschaft un dei Johannes Gillhoff Gesellschaft dit Frühjohr tausamen in Ludwigslust tagten, hett dat ein orer anner Mitglied sienen Unmaut doroewer tau Gehür bröcht, dat bi so’n Tagungen tau wenig Vördräg in Plattdütsch hollen warden. Weckein nich dei nödige medizinsche Vörbildung hett, künn je nu seggen, dat dit Problem taukünftig mit Nahdruck ut dei Welt schafft warden müsst. Dormit wi oewer nich achter wat anjagen, wat ut wissenschaftlich Sicht bi männigein’n Vördräger gornich klappen kann, stell ick hier dei niegsten Erkenntnisse (Universität Rostock in Tausamenarbeit mit Probanden von dei Fritz-Reuter-Bühn, Schwerin, un dat Fritz-Reuter-Literaturmuseum, Stemhagen) oewer dei verdüwelt Lag von dat Plattspräkzentrum in’t Enzephalon (Brägen) bi Mäkelborger, oewer ok bi anner Plattspräker vör.

Dei Mediziner ut Rostock hebben gründlich Grothirnhemisphären von dei Testminschen unnersöcht un faststellt, dat sick an dei Stell up dei Brägenbork, wo dei Zentren för dat Seih-, Hür-, Lihr- un Gedächtnissvermögen liggen, ok dei Plattdütsch-Ganglienzellen (Plattnervenzellen) ansiedelt hebben. Oewer, un dat is dei Knackpunkt, sei hebben dor nich väl Platz, denn knasch linksch von dei Plattganglien liggen dei för Kisuaheli un knasch rechtsch dei vör Russisch un baben quer roewer noch dei för Französch un Grönlandsch!

Woans sick dat evolutionstechnisch so henmendelt hett, hebben dei Wissenschaftlichen nu utforscht: Dei Kisuaheli-Ganglien sünd dei Öllsten, wieldat dei Weig von’e Minschheit je in Afrika stünn. Dei Russischen stammen ut dei Tiet as sick dei Germanen un Slawen in Mäkelborg vermengelierten. Dei Französchen kemen späder tau, as dat bi Fritz Reuter in sien Bauk „Ut de Franzosentid“ nahtauläsen is.

Dei Grönlandschen sünd dei Jüngsten. Ein poor Idiome (Rädensorten) von disse Sprak sünd vör Johren von mäkelborger Walfänger un mit denn’ Läwertran inschleppt worden. Wat hett dit nu för Utwirkungen up uns’ Plattdütsch? Blot ein, dei Platt mit dei Muddermelk insagen hett, kann sick gaut mit sien Tung twüschen dei uptellten Sprakenganglien dörchwinn’n.

Anner, dei mit Platt nich so fast up’n Stähl stahn, könn’n dordörch in’e Bredullje kamen. Wenn dei bi’t Platträden orer schriewen blot ’n bäten nerviös warden, oewerdrägt sick dat furts up dei Plattganglien. Sei warden zappelig, vertüdern sick mit ehr Nahwers (Ganglienverschlingung) un lösen dormit Kauderwelsch ut. Tau’n Bispill: Dei Satz „Lat uns Plattdütsch schnacken, dorbi ’n lütten drinken un ‚Tatar‘ äten“, künn denn so heiten: „Shikamoo tikitaki germanski Platt, boire petit Kognak quaktassat Eskimo.“ Mihr wissenschaftlich Bewiesmaterial vörtauleggen is säker nich nödig un dorüm kann ick tausamenfaten: Wenn Lüd miteinanner up Platt schnacken, möten sei nich up jedein Wurt achten. Hauptsak is, dat oewerhaupt Platt spraken ward. Bi’t Plattschriewen süht dat all anners ut. Weckein sick dormit befaten deit, süll, wenn hei nich wieder weit, öftereins in’t Würderbauk kieken, denn wat as Plattdütsch anbaden ward, süll ok würklich Plattdütsch sin! Un wenn’t üm einen Vördrag orer gor üm ein Vörläsung geiht, möt dat Plattdütsche akrat sin. Sowat süll’n sick blot dei upnacken, dei Platt mit dei Muddermelk . . . unsowieder. Is dorüm tau verstahn, dat besonners Gelihrte ut dei Südstaaten von uns Bundesrepublik, dat männigmal mit Ganglienverschlingungen tau daun kriegen. Oewer dat möt nich sin! Wenn dei sick in ehr Vördräg mit Plattdütsch uteinannersetten, könn’n sei je dat ein orer anner Wurt up Platt in ehre Texte rinfummeln. Dormit wiesen sei nah, dat s’ sick Mäuh gäben hebben un gahn Kauderwelsch ut’n Weg. Glöwen S’ mi, so ward ’n Schauh ut! Un wat is mit dei, dei Platt lihren will’n? Wenn sei dat bi Mudder, Vadder Opa orer Oma lihren, null Problemo, as wi Plattdütschen seggen. Süss möten sei düchtig Vokabeln pauken, dat dei sick in’e Plattganglienzellen orrig fastsetten un ok väl bi daun, dat sei dei dor ok wedder orrig rutkriegen!

OZ

Voriger Artikel
Mehr zum Artikel

SPD-Kandidatin Sonja Steffen spricht darüber, was Greifswald und Stralsund politisch unterscheidet

Kostenpflichtiger Inhalt mehr
Mehr aus Kommentar
Benjamin Barz Ostsee-Zeitung Ostsee-Zeitung Umfrage, Meinung, Teaser der den User auf die Seite "Umfragen" führen soll image/svg+xml Image Teaser „Umfragen“ 2015-09-23 de MEINUNG Aktuelle Umfrage Ihre Meinung zählt: Geben Sie ein Votum ab zu aktuellen Themen aus Politik, Wirt- schaft und anderen Gebieten. Alle Umfragen auf einen Blick finden Sie hier.