Volltextsuche über das Angebot:

17 ° / 14 ° wolkig

Navigation:
„Daun wi wat, dormit Platt uns ok in Taukunft blifft“

„Daun wi wat, dormit Platt uns ok in Taukunft blifft“

21. Februar is Internatschonaler Mudderspråkendach

Dei Unesco hett denn 21. Hornung (Februar) taun Internatschonalen Mudderspråkendach utraupen un disse Dach sall ok för uns Mäkelnbörger Grund nauch sien, œwer uns plattdüütsch Språk tau sinnieren un tau räsonnieren, dormit’s nich utstarwen deit.

Wi süllen uns an Reuter, Brinckman, Stillfried un väle anner ’n Oogenspeigel nähmen un uns Rat bi uns ollen Schriewerslüd inhålen, dormit wi marken, wat dei plattdüütsch Seel in uns Språk is. Üm dit dütlich tau måken, sallen por Bispills vörstellt warden. Ut’e Seel kümmt: dwass un dwer (dörcheinanner), inne Mœt kåmen (dörch Taufall öwer'n Wech lopen); ’n Plinkoch tauschmieten (einen wat tauseggen); Grappen un Maföken (dummet Tüüch), denn Kopp termaudbarsten, (dull ansträngen), natt faudern ( giern ’n Köm orrer 'n Bier drinken).

Noch rieker ward dei Seel von ein Språk dörch Biwüür’ as Schmuck vonne Ding- un Dauwüür’. Nähmen wi blot son’n por as knasch un basch, gau un glau, hild un sacht, deip un sied, binnen un buten. Dei Satz „Gau noch bäten baschen Päper för dei Wust stöten“ hett doch’n ganz annern Klang as „Schnell noch witten Päper för dei Wust måhlen“. Un äbenso verhöllt sik dat mit dat „blåchwörpelt (blaukarierte) Hemd“ un dei „entfamte Büxenkalür“ (schmutzgefärbte Hose), ok wenn man dat anners seggen künn. Wenn wi in’n „Vagel Grip“ von Brinckman läsen: „Lat dat Keesen (meckern) un Küren (schwatzen), dat Öckern (grunzen) un Rühren (spotten / zanken)“, un in „Höger up“, dat ’n Buer ’nen Bankert (ein uneheliches Kind) mit „gralle (gesunde) Ogen in sinen Kopp un sonn bannigen Rögen in sin Bost (stark un wendig) achtern Tun günsen (wimmern) hürt un fött em mit sin eigen Jungs up. (upföden: Kind, Tier aufziehen), denn marken wi besonners dütlich, wat tau daun is, üm uns Mudderspråk Platt tau erhollen.

Noch mihr Seel sitt in Wennungen as „Dor hett ’n Ul seeten“ wenn wat ganz anners kümmt un „Nu is de Pott intwei“:wenn dei Fründschaft för ümmer ut is. Daun wi wat, dormit Plattdüütsch ok in Taukunft noch son’n lütt bäten uns Mudderspråk blifft un tworstens „ihrer as dei Pott intwei is“, un dat dei Poletik noch bäten mihr deit, as blot dei Pläch von uns Mudderspråk inne Landesverfåtung § 16 fasttauschrieben un dei „Europäisch Charta œwer Regional- un Minnerheitenspråken“ taun Gesetz tau måken, Platt inne Schaul sall helpen, ihrer as dat man seggen möt, dat dor ’n Uhl seeten hett.

OZ

Voriger Artikel
Nächster Artikel
Mehr zum Artikel
Greifswald

75 Prozent der Umfrage-Teilnehmer sprechen sich für Ernst Moritz Arndt als Patron der Uni aus

Kostenpflichtiger Inhalt mehr
Mehr aus Kommentar
Benjamin Barz Ostsee-Zeitung Ostsee-Zeitung Umfrage, Meinung, Teaser der den User auf die Seite "Umfragen" führen soll image/svg+xml Image Teaser „Umfragen“ 2015-09-23 de MEINUNG Aktuelle Umfrage Ihre Meinung zählt: Geben Sie ein Votum ab zu aktuellen Themen aus Politik, Wirt- schaft und anderen Gebieten. Alle Umfragen auf einen Blick finden Sie hier.