Volltextsuche über das Angebot:

4 ° / 1 ° Schneeregen

Navigation:
Europäischer Språkendach un Plattdüütsch

Europäischer Språkendach un Plattdüütsch

Anlässlich des plattdeutschen Aktionstages schreibt Autor Behrend Böckmann

Siet 2001 ward up Anråden von’n Europarat alle Johr ’n Akschonsdach för dat Lihren von Europäisch Språken afhollen. Bi uns in Mäkelnborg is dorvon nich väl tau marken, œwer dei Heimatverband MV organisiert dortau an 'n 7. Oktober 'n Matinäh in Schwerin.

Anliggen sall sien, dat sik dei Europäer dorup besinnen, dat dat för dei Verstännigung un dat Erhollen von uns 200 Språken in Europa gaut is, wenn dei Minsch mihr as blot ein Språk schnacken kann.

För uns hier in’n Nuurden mœt dat heiten, nich blot Inglisch, Spansch orrer Franzöösch, sonnern ok wiederhen uns oll plattdüütsch Mudderspråk tau hägen un tau plägen, wat ja ok inne Lannesverfåtung §

17 fastschräben is. Generatschonen nå uns sallen noch so schnacken kœnen as dat tau Tieden von Reuter un Brinckman dei Fall wier. Platt wür tau Hansetieden von Amsterdam bet Nischni-Nowgorod språken.

Süllen wi uns up disse Tieden besinnen un wedder mihr Platt schnacken?

Platt mœt sik nich olt anhürn, denn uns Mudderspråk is ok åpen för niege Wür. Dei ein un anner hett wull all mål hürt, dat deiAckerschnacker dat plattdüütsche Wurt för „Handy“ is un Biojüüch dat Wurt för denn E 10-Sprit. Platt kümmt sogor åhn „Denglisch“ ut. In „Internet surfen“ heit up Platt in’t Internet rümbüttjern, dei „Tastatur“ is ’n Knopbuurd, dei „Gangway“ ward taun Lopplank, „Aquaplaning“ is Wåderglitschen, dei „Airback“ ganz einfach ’n Luft- orrer Prallsack, dei „Chat in’t Internet“ is ’n Tippschnack un „chaten“ is denn tippschnacken, dei „Adapter“ is ’n Twüschenstück un dei „Browser“ dei Nettsäuker, dei „Cumputer“ is ’n Klappräker, „Smog“ is Roknäbel, dei „Taifun“ ’n tropscher Küselwind, ein „Camper“ is ’n Butenschläper, dei „MP3 Player“ is ’n Musikbolzen, dei „Discounter“ dei Billigkopmann un ut’e „Praxisgebühr“ warden Dokterpiepen.

Uns plattdüütsche Språk höllt œwer ok Wür as Oogendeiner, Schubberjack, Kreihhåhn, Schmeerlappen un Quarbüdel för Lüüd pråt, dei sik ’n Nåmen måken willen. So is ’n Oogendeiner ’n grieniger Minsch, einer, dei blot denn Anschien nå fründlich is un in Würklichkeit blot an sien eigen Vörwartskåmen denkt (Karrierist). As Schubberjack gellt dei Minsch, dei sien Afsichten nich ümmer ganz dörchsichtig kieken lött (Lump, fadenscheiniger Kierl, Spam-Mail-Versender), ein Kreihhåhn hengägen is dei, dei luthals Woren orrer annern Kråm an’n Mann bringen will (Werber, Öffentlichkeitsarbeiter). As Schmeerlappen sünd dei Lüüd bekannt, dei anner œwern Läpel balbieren willen (Vertreter, Makler, Missionare) un einer, dei ümmer un œwerall wat tau meckern un uttausetten hett is’n Quarbüdel (Nörgler, Kritiker). Œwer dat gifft ok noch Grotschnuten, Klaukschieter un Kuddelmuddler. All dat kann Platt!

Un Platt kann un sall helpen, dat wi hier in Mäkelnborg mit uns sülben œwerein sünd. Mit sik sülben œwerein sien is dei plattdüütsche Wennung för „Identität“ un dorüm süllen wi ok hier in Mäkelnborg mihr un mihr wedder Plattdüütsch in’n Olldach intrecken låten, dormit wi mit uns sülben un uns Land anne Wåderkant œwerein sünd.

OZ

Voriger Artikel
Mehr zum Artikel
Börzow
Lana (v.l.), Salomé, Emely, Alina, Pia und Sara auf den Ponys des Reitvereins haben mit Trainerin Andrea Bössow (r.) jede Menge Spaß.

Großgemeinde oder nicht – die Börzower identifizieren sich stark mit ihrem Dorf und sind kulturell sehr aktiv

Kostenpflichtiger Inhalt mehr
Mehr aus Kommentar
Benjamin Barz Ostsee-Zeitung Ostsee-Zeitung Umfrage, Meinung, Teaser der den User auf die Seite "Umfragen" führen soll image/svg+xml Image Teaser „Umfragen“ 2015-09-23 de MEINUNG Aktuelle Umfrage Ihre Meinung zählt: Geben Sie ein Votum ab zu aktuellen Themen aus Politik, Wirt- schaft und anderen Gebieten. Alle Umfragen auf einen Blick finden Sie hier.