Volltextsuche über das Angebot:

16 ° / 8 ° wolkig

Navigation:
„Fidschet-Spinner is ’n gaude Remedur för ’n Zappelphilipp“

„Fidschet-Spinner is ’n gaude Remedur för ’n Zappelphilipp“

Behrend Böckmann über ein angesagtes Spielzeug in Kinderzimmern

Dei Twäschen Finn un Luca liggen Oma Lisa dormit inne Uhren, dat's sowat ok hemm' mœten, denn all Kinner spälen all dormit un sei ståhn nu son'n bäten buten vör. Blot Oma Lisa weit nich, wat dei beiden hemm' willen, denn sowat kennt sei nich un weit mit „Sowat“ würklich nix antaufangen.

 

OZ-Bild
OZ-Bild

GAST KOMMENTAR

Behrend Böckmann (74)

ist Niederdeutsch-Autor aus Kirch Rosin. Für die OSTSEE-ZEITUNG schreibt er plattdeutsche Texte.

Dei Fragerie geiht nu hen un her, bet Finn denn up denn niemodschen Küssel mit Kugellager tau snacken kümmt un secht: „Oma, dat Ding heit Fidschet-Spinner un is 'n Spältüch.“ Un denn verkloren's Größing, dat's vör nich all tau langer Tiet dei Gummiringen köfft hett, ut wecker sik dei grötter Schwester dei kolorigen Rainbow Loom Armbänner wäwt hett. Un bi dei Loom-Bänner wier Größing doch ok nich so nehrig wäst. Un sei besinnt sik, dat's ümmer mithollen hett, wenn wat Nieget up 'n Markt keem. Dat güng all 1974 los, as sei ehr Dochter un uns Twäschenmudder 'n Monchhichis ünnern Dannebom lecht harr. Dat wier son'n Popp mit brunet Fell un dei künn up'n Dumen nuckeln. Un dei lütte Unkel von uns Twäschen kreech as Nestküken 1989 einen von dei iersten Game Boy, denn hei inne Büxentasch stäken künn un bäten låters noch dat Tamagotchi-Ei dortau. Ja, un dor wier'n dor noch Pokémon un Pokémon Go. Ümmer wedder wat Nieget un ümmer wedder löppt dat Geschäft.

Un nu måken Finn un Luca afwesselnd ehr Größing dat niege Spältüch, denn „Fidschet-Spinner“ (Fidgets-Spinner), so schmackhaft, dat ehr wull von allein dei Kniep upgåhn wür. Sei wullen ok nich son'n ganz düern ut Eddelmetall hemm', sonnern blot son'n einfachen, œwer einen, üm mithollen tau kœnen. Also doch nich dat allerbilligste.

Na ja, fief Euro för jeden von dei beiden Säuten, dat wier näbenbi wull mœglich. „Œwer wat sall ik juch denn köpen, wat is dat för'n Spinner?“ will Größing nu weiten. Finn verklort Größing dat un secht: „Oma, du hest doch as du lütt wierst säkerlich son'n hölten Küssel mit 'n Pietsch up'e Ierd tau küsseln bröcht...“ un Luca kann gor nich mihr an sik hollen un sett achteran, „un hüt settst du di dissen niemodschen Küssel up'e Hand, up'n Finger, up'e Näs, up süss noch wurhen un bringst em nich mit 'n Pietsch, sonnern mit dei eigen Fingers up Draff. Un dat geiht, denn dor binnen is so as bi dei Rö' von't Forhrrad 'n Kugellager, blot lütter, weitst du, un dat bringt allens in Schwung.“ Nu weit Größing, wat sei köpen sall. Œwer sei weit doch nich allens, denn Finn sett noch hentau ,„dei ganz Niegen lüchten in Düstern, dei willen wi...“ „So, so,'n niemodschen Küssel, dei in Düstern lüchten deit... Ne, wat dat allens gifft un wurmit man allens Geld måken kann...“

Größing ward sik noch bäten beläsen, ihrer as sei denn an't Wark geiht un kriecht mit, dat dat dit Spältüch mit Kugellager nå rechts un links dreigen kann un ut allerlei Material för denn einen un annern Spälertypen gifft: lütte un grote Spinner, Binnen un Butenspinner, Schaul- un Arbeitsspinner, Ünnerwägens- orrer Bürospinner, Hand- un Koppspinner usw. Un Größing kriecht noch tau läsen, dat Spälen mit 'n „Fidschet-Spinner“ 'n gaude Remedur för 'n Zappelphilipp is. Un dor Finn un Luca ok ehr Zappelphilippen sünd, ward wull all an annern Dach dat niege Spältüch up Finger, Näsen un süss noch wo von uns Twäschen Finn un Luca küsseln.

OZ

Voriger Artikel
Nächster Artikel
Mehr zum Artikel
Greifswald

Bundestagskandidaten im Wahlkreis 15 stellen sich Fragen des Frauenbeirats der Hansestadt

Kostenpflichtiger Inhalt mehr
Mehr aus Kommentar
Benjamin Barz Ostsee-Zeitung Ostsee-Zeitung Umfrage, Meinung, Teaser der den User auf die Seite "Umfragen" führen soll image/svg+xml Image Teaser „Umfragen“ 2015-09-23 de MEINUNG Aktuelle Umfrage Ihre Meinung zählt: Geben Sie ein Votum ab zu aktuellen Themen aus Politik, Wirt- schaft und anderen Gebieten. Alle Umfragen auf einen Blick finden Sie hier.