Volltextsuche über das Angebot:

16 ° / 6 ° heiter
Partner im Redaktionsnetzwerk Deutschland RND

Navigation:
„Wi harrn Sei wägen möglichen Kuntakt tau’n ‚IS‘ up’n Kieker“

„Wi harrn Sei wägen möglichen Kuntakt tau’n ‚IS‘ up’n Kieker“

Dorbi will Up-Platt-Autor Wolfgang Mahnke blot Arabisch lihr’n

Kort vör’t Inschlapen kreg mi dei Grapp tau faten: Wenn dei Syrier bi uns fautfaten will’n, denn möten sei dei dütsche Sprak lihr’n. Wier oewer ok nich verkihrt, wenn Dütsche Arabisch spräken künn’n.

Un denn harr sick dat ok all in mien’n Brägen fastsett: Dei Sprak wull ick nu lihr’n.

Annern Morgen stünn ick, nah mien Meinen, bi dei taustännig Stell up’n Süll un dei ierste Frag von denn’ Beamten achtern Schriewdisch wier: „Sei will’n Arabisch lihr’n? Un dortau kamen Sei in dei Asyl-Andragsstell? Woans sünd Sei hier oewerhaupt rinkamen?“ Indess hantierte hei mit sien Handy un ein’n Momang später kem ’n Uniformierten in dat Büro, dei mi in ein’n annern Rum ’n poor Fragen stell’n wull.

Tauierst let hei sick mienen Personalutwies gäben, denn stellte hei sien Fragen: „Wat hebben wi hüt för ein Datum, woans heit uns’ Bundespräsident, weckern Namen hett dei Hauptstadt von Afghanistan, woans heiten dei Verse in’n Koran, wat is ein Kalaschnikow?“ unsowieder. Ick hew mi nix dorbi dacht, hew antwurt un sogor ’n bäten upschnäden. Hei süll je nich denken, dat ’n Dösbüddel vör em sitt.

Un as tau’n Bispill dei Sprak up dei Kalaschnikow kem, hew ick mi an mien Armeetiet erinnert un seggt, dat dat ein grotorrig Sturmgewehr is, dat ick dat hüt noch nah Normtiet ut’nein un tausamensetten künn un ick dormit noch nie nich an’t Ziel vörbi schaten harr. Hei kek kort up un frög denn, wat ick woll ein’n Reisepass hew un wenn ja, in wecker Utland ick in’e letzten Johr führt bün. Na, dor gew’t je orrig wat tau vertell’n: Wi, mien Fru un ick leiwen dei Sünn, dat heit wi fleigen giern nah Nurdafrika orer ok eins in’e Türkei un wat sick in’n Orient noch so anbeiden deit. Un dorbi hew ick denn ok vertellt, dat ick besonners up Utflög mit’n Jeep in’e Wüst stah, so’n Fohrten, dei ’n poor Daag anduern un wobi ’n sick orrig uttowen kann. Mien Gägenoewer kek wedder kort up un säd:

„Sei Ehr ein orer anner Antwurt möt ick ’n bäten nehger up’n Grund gahn un dorüm nähmen Sei man hier näbenan för ’n Ogenblick Platz.“ As hei dei Dör achter sick afschlöt, würd mi ’n bäten grugen un denn füng dat bi mi ok an tau dämmern: Dat wier as ein Verhürt wäst un ick prahl ok noch rüm! Wat daun? Ick hew gedürig twei Stunn up’n Stauhl in denn’ Miniknast säten, bet dei Dör upschlaten würd un dei Uniformierte säd:

„Sei Ehr’n Pesonalutwies beholl’n wi hier, dit is dei Nahwies dorför. Vör’t Ierst dörben Sei Rostock nich verlaten un nu könn’n Sei nah Hus gahn. Un dormit Sei dat nich ierst von Sei Ehr Fru tau weiten kriegen, wi hebben Sei Ehr Reisepässe intreckt un Sei Ehr’n Computer beschlagnahmt!“ As ick nu düchtig gägenan gahn wull, kek hei mi scharp an un säd:

„Sporen S’ sick dat Räden up. Sei warden Gelägenheiten dortau hebben.“ Ick wier noch nich ganz in’e Wahnstuw, as mien Fru röp: „Vadder, wat hest nu all wedder anstellt!?“ Ick schluckte dat ‚all wedder‘ dal un vertellte, wat mi taustött wier, obschonst ick je blot fragt harr, wo ein woll Arabisch lihren künn. Mien Fru trök ehr Ogenbranen tau Höcht un säd: „Dat ick einen Dullbrägen friegt hew, wüsst ick je un hew hofft, dat sick dien Fisemantenten in’t Öller gäben würden, oewer dat ward woll nix mihr!“ Un as sei dorbi ’n bäten griente, wier’k heilfroh.

Drei Daag späder klingelte ein Beamter an uns’ Dör. Hei packte mien Notebook up’n Disch, dortau uns’ Reisepässe un mienen Personalutwies:

„Wi harrn Sei wägen möglichen Kuntakt tau’n ‚IS‘ up’n Kieker. Oewer dor liggt nix gägen Sei vör. Nu möten S’ hier noch unnerschriewen, dat Sei all Ehr Saken wedderkrägen hebben!“ As ick deip Luft halte, kem hei mi tauvör: „Herr Mahnke: Vullbort drägen, Arabisch lihren will’n, sick sihr gaut mit ein Kalaschnikow utkenn’n un denn noch giern mit’n Jeep in’e Wüst rümkariolen, dor müssten uns’ Lüd doch hellhürig warden, orer? Will’n Sei nu ümmer noch Arabisch lihren?“

„Nee, säd ick, dat wier woll ein dömlich Idee. Eigentlich hew ick je mit Plattdütsch naug tau daun!“

OZ

Voriger Artikel
Nächster Artikel
Mehr zum Artikel
Wembley-Helden und Pechvögel

Beim Supercup bekam Carlo Ancelotti schon einmal einen Vorgeschmack auf die attraktivste Paarung der jüngsten Bundesliga-Vergangenheit. Es sind die Meister der vergangenen sieben Jahre - und packende Duelle gab es zuletzt reichlich.

mehr
Mehr aus Kommentar
Benjamin Barz Ostsee-Zeitung Ostsee-Zeitung Umfrage, Meinung, Teaser der den User auf die Seite "Umfragen" führen soll image/svg+xml Image Teaser „Umfragen“ 2015-09-23 de MEINUNG Aktuelle Umfrage Ihre Meinung zählt: Geben Sie ein Votum ab zu aktuellen Themen aus Politik, Wirt- schaft und anderen Gebieten. Alle Umfragen auf einen Blick finden Sie hier.