Menü
Ostsee Zeitung | Ihre Zeitung aus Mecklenburg-Vorpommern
Anmelden
Rostock Dat blåch Ooch
Mecklenburg Rostock Dat blåch Ooch
Partner im Redaktionsnetzwerk Deutschland
00:00 16.07.2013

Een Åbend stünn ik an mien Schapp un keek mi mien olle Båbüx an. De har all Johren up de Naht. Müßt je woll mal ne niege warden. In mien Œwerleggen kloppt dat an mien Dör. Wecker sall dat up denn Åbend sien? Künn blots Hannes in Fråch kåmen. So wiert.

Man, wo seech he ut! „Büst an Bessenstäl lopen“, fråch ik em, denn hei har een blåch Ooch as een Viölken. „Will ik di vertellen“, meent he. Hei har sik, nee, wat een Taufall, een niech Båbüx köfft un de in‘t Swemmbad utführt. Dor wiert bannig vull.

Dat Swemmen gung na dat Motto: „Wer sik nich wohrt ward œwerkort“. Por Bahnen künn een gor nich bruken. Dor wir een Husfrugensclub up to gäng. An de wier keen Vörbikåmen — von wägen de sietlich Utlaach. Up een Bahn swemm een ganzen Forschen. As son‘n Walfisch so breet is he in Rüggenlach de Bahn dalmaracht, ahn up de annern Swemmers acht to gäwen. „Ik har man een lütt Momang mien Ogen bi de schlanken Deern‘s. Dunn wiert passeert. De Kierl haucht mi mit vulle Kraasch sien Flossen up‘t Ooch“, secht Hannes. „Hest em ünnerdückert?“ fråch ik Hannes. „De wier wech ahn sik to entschuldigen, ihrer ik em fåten künn“, meent Hannes un lött sik von mi noch beten Ies gäwen — för denn lütten Sluck, denn ik em tau‘n Trost ingåten har.

Wie œwerlechten, wat man gägen sonn Lüd maken künn. Up‘t Enn wiern wi œwerein: Wi führn bi good Wäder taun Swemmen an de See - nah Rosenort. Dat het twee gode Sieden: Ik bruk keen niege Båbüx, is jo FKK. Un Hannes kricht nich noch ees wat up‘t Ooch.

OZ

Anzeige