Volltextsuche über das Angebot:

14 ° / 6 ° Regenschauer

Navigation:
De Tochfohrt

1sp 12x1 De Tochfohrt

Körtens dröp ik een Fründ von mi, hei vertellte mi ne lustig‘ Geschicht. Vör bannig lang Tiet is hei mit sien‘ beid‘ Kinners un sien lütt Neffen vun Wismer ut na Greifswald führt, üm sien Swesting tau besäuken.

För de Fohrt harr sei sik gaud vörbereid, duurte sei doch circa nägen Stun‘n. Schön tau Äten, Spälkoorden un Bäukers harrn sei dorbi. De Töch führt‘n dormals noch recht sinnig, up jedeen Bahnhoff wür anholl‘n. Nu sät hei mit de dree hippligen Kinners in‘t Afteil un wier froh, dat sei allein wiern. Duurt nich lang, de Toch höl an un in‘t Afteil steeg ne Fru tau. Em wür all ganz leech. Sei nähm sik een Bauk vör un füng an tau läsen. Dor sei dorbi ümmer tau stüürt wür, sprüng sei up un blaffte em an. Wenn sei nich glieks sei ehr Kinners tau Räson bring‘n, passiert wat.

Dor hei all markt harr, dat sei wull los tuddern wür un ok nich up‘t Mul folln is, sech hei tau ehr: „Mien leef Fru. Wat mien Fru is, de sitt noch in Wismer up‘tn Bahnhoff un hett denn Toch verpasst.

De lütt Jung hier hett de Büx gra‘ vullmakt, mien Diern hett Keuchhausten un Scharlach, de grot Rietendahl hett vörhen uns Fohrkoorden ut dat Finster foll‘n laten un ik ward gra‘ gewohr, dat wi in verkiehrten Toch sitten. Segg‘n sei mal, wat sall uns wull noch passiern?“ Furs packte sei ehr Saken tausamen, nähm Haut un Mantel un wür nich werrer seihn. Sien Kinner un hei harrn nu ne vergnäuglich Fohrt mit väl Jux und Dallerie.

Hanning

Voriger Artikel
Nächster Artikel
Mehr aus Wismar
Verlagshaus Wismar

Mecklenburger Straße 28
23966 Wismar

Öffnungszeiten:
Montag bis Donnerstag 10.00-17.00 Uhr
Freitag 10.00-16.00 Uhr

Leiterin Lokalredaktion: Kerstin Schröder
E-Mail: wismar@ostsee-zeitung.de
Telefon: 0 38 41 / 415 65

Ticket- und Anzeigenverkauf: 03841 / 41550.

Beilagen
Städtewetter
Heute -° / -° -
- -°/-° -
- -°/-° -
RSS-Feeds

Wissen, was in Rostock und der Welt los ist