Menü
Ostsee Zeitung | Ihre Zeitung aus Mecklenburg-Vorpommern
Anmelden
Wismar Farbenpracht
Mecklenburg Wismar Farbenpracht
Partner im Redaktionsnetzwerk Deutschland
00:01 26.10.2016

Jede Johrestiet hett so sein besonnere Farw. Dat Frühjohr mit väl frisches Gräun un ok all schöne Blaumen. De iersten Schneeglöckchen in witt, de bunten Krokusse, de gälen Osterblaumen. In Sommer is dat Kurn riep un besonners de Weiten süht gäl ut. Dortau bläuhden de Kurnblaumen blag un de Mahnblaumen rot. För mi is de Harfst woll de schönste Johrestiet. Dat Low an de Bööm farft sik bunt. Wenn ik ut mien Kökenfinster kiek, freu ik mi öwer de välen Farben, besonners an denn schönen Boom, de grad vör dat Finster steiht, ün’n up denn Rasen liggen väle Bläder, blots all bäten düsterer. In de Gordens hängt an de Aftbööm dat riepe Aft. De Plumm sünd gäl un gräun orer schön blag, dat sünd de richtigen Harfstplumm, de Kreiken sünd ok all riep. Se sünd gäl bet gräunlich un lütter as de Plumm. De Appel an de groten Bööm sünd schön gräun un weck hebben rode Backen. De Beern sünd gäl orer gräun. In väle Gordens bläuhden de Dahlien un ok all de Winterastern in väle schöne Farben. Wenn de Harfst vörbi is, freuden sik väle Lüd, besonners de Kinner up denn Winter. Wenn de iersten Flocken fallen, sieht gliek all’ns schön witt ut un de Kinner halen de Schlädens rut un bugen een’n Schneimann. Wenn dat Is up de Dieke dick naug is, schnallen se sich de Schittschauh ünner un hebben väl Spaß. För de Kinner is dat woll de schönste Johrestiet. Dat ganze Johr kann man sik öwer de schönen Farben freuden, de de Natur uns bringt. So schön kann dat kein Maler malen.

Mine

Wismars ältester Traditionssegler „Atalanta“ geht in die Winterpause / Letzte Tour ist die Lichterfahrt

26.10.2016

An Wertstoffcontainern werden immer wieder Sperrmüll, Farbeimer und Bauschutt abgelegt / Es gab bereits Anzeigen / Verursacher sollen zahlen

26.10.2016

Nach der Meldung über einen Einbruch am vergangenen Wochenende in ein Einfamilienhaus in Grevesmühlen, gibt es inzwischen Erkenntnisse über weitere Fälle in diesem Zeitraum.

26.10.2016
Anzeige