Volltextsuche über das Angebot:

24 ° / 13 ° heiter

Navigation:
Fluchtafsichten

1sp 12x1 Fluchtafsichten

Duernt hürt un läst man, dat in anner Länner Krieg un Unrauh väl Älend öwer de Inwahners bringen. Väle Minschen sünd up de Flucht un hoffen, dat se in frömde Länner Schutz un Öwerläben hebben.

— Ik wier 8 Johren old, de tweite Weltkrieg wier vörbi. Mihrere Dach‘ heff ik de Flüchtlingstrecks ut de düütschen Ostgebiete up de Strat ut Richtung Rostock seihn, de wieder na Westen treckt sünd. Dissen Anblick heff ik bät in‘t Öller nie nich vergetten. Dor sät tau‘m Bispill an‘n Stratenrand ‘ne Fru mit ehr Kinner un künn vör Schwäche nich wieder. Ik bün‘n na Hus lopen, heff Mudding ditt vertellt un se secht: „Hal sei her.“ Mudding hett hulpen, wo se künn. In de ierste Tiet in‘n Mai 1945 wier de Russ bät Kritzeburg kamen. Dargetzow, wo wi wahnten, wier „Niemandsland“. In de Stadt wier de Englänner. Böse Gerüchte öwer Schanntaten von de Sieger wiern in‘n Ümlop. Vör Angst harn uns Öllern ‘nen Treckwagen mit Äten, Betten usw. vullpackt. Furtsens neihte mi Mudding ut Vaddings Hochtietsantoch ‘ne warm Büx, dat wier kolt buten. Ik har mien Pop up den‘n Arm un los süll dat in Richtung Westen gahn. Öwerall harn wi „Tschüß“ secht. Tweemal wull‘n wi los, öwer sünd wedder ümkiehrt. Mudding har Angst üm uns dree lütten Kinner. Hier wier uns tau Hus un hier sünd wi bläben. Passert is uns dörch de Besatzer nix.

Else

Voriger Artikel
Nächster Artikel
Mehr aus Wismar
Verlagshaus Wismar

Mecklenburger Straße 28
23966 Wismar

Öffnungszeiten:
Montag bis Donnerstag 10.00-17.00 Uhr
Freitag 10.00-16.00 Uhr

Leiterin Lokalredaktion: Kerstin Schröder
E-Mail: wismar@ostsee-zeitung.de
Telefon: 0 38 41 / 415 65

Ticket- und Anzeigenverkauf: 03841 / 41550.

Beilagen
Städtewetter
Heute -° / -° -
- -°/-° -
- -°/-° -
RSS-Feeds

Wissen, was in Rostock und der Welt los ist