Volltextsuche über das Angebot:

3 ° / 1 ° Schneeschauer

Navigation:
Grotfomilie

Grotfomilie

In Mäkelborgs Dörper lääften in verladen Tieden väle Grotfomilien. Mihrere Generatschionen wahnten ünner een Dack. Einsamkeit, so as hüt, dat Öllerige alleen läben, wier een Frömdwuurt.

In Mäkelborgs Dörper lääften in verladen Tieden väle Grotfomilien. Mihrere Generatschionen wahnten ünner een Dack. Einsamkeit, so as hüt, dat Öllerige alleen läben, wier een Frömdwuurt. In de Grotfomilie is de een för den‘n annern dor wäst. So wier‘t ok bi Uroma Marie in Boinsdörp, väl later dorna in Niendörp. Dor wier ümmer wat los. De ganze Verwandtschaft köm tau Besäuk, ok ut Berlin, üm de gaude Landluft un de Ostsee tau geneiten. Dörch de Kriegsflüchtlinge 1945 hebben sik de Mäkelborger mit Minschen ut anner Länner von Düütschland vermengeliert, „nieget Blaut“ köm in de Dörper, wo väle Fomilien den‘n sülbigen Namen harn, tau‘n Bispill „Grützmacher, Brinker un Rohde“. Ok Uroma har den‘n Bursnamen „Grützmacher“, un wier eis in dat Ruhrdackhus in Boinsdörp burn, wat hüt noch steiht. Ok mien Oma wür dor in disse Grotfomilie burn. In dit Hus läwt nu een Korfflechter mit sin Fomilie, un hett väl för de Erhollung von dit, woll tweihunnert Johren olle Hus, dan.

Grote Aftböm stahn in Goorden, de vermaudens dunnemals von de Grüttmakers (Grützmacher) plant worden sünd. Breife un Biller vertellen mi oewer disse Fomilie, in een Tiet, as dat noch keen Kiekschapp und Radio geef. De grote Goorden un de Fisch ut de nahe Ostsee hett all tausamen ernährt. Hüt führ‘n wi giern oewer disse Dörper, ümmer mit de Erinnerung an de Minschen, de eis dor läwt hebben un mien Vörfohren wäst sünd.

 



Else

Voriger Artikel
Nächster Artikel
Mehr aus Wismar
Verlagshaus Wismar

Mecklenburger Straße 28
23966 Wismar

Öffnungszeiten:
Montag bis Donnerstag 10.00-17.00 Uhr
Freitag 10.00-16.00 Uhr

Leiterin Lokalredaktion: Kerstin Schröder
E-Mail: wismar@ostsee-zeitung.de
Telefon: 0 38 41 / 415 65

Ticket- und Anzeigenverkauf: 03841 / 41550.

Städtewetter
Heute -° / -° -
- -°/-° -
- -°/-° -
RSS-Feeds

Wissen, was in Rostock und der Welt los ist