Menü
Ostsee Zeitung | Ihre Zeitung aus Mecklenburg-Vorpommern
Anmelden
Wismar Harfst in Hoben
Mecklenburg Wismar Harfst in Hoben
Partner im Redaktionsnetzwerk Deutschland
00:00 14.10.2016

Dat dunnemals verslapene Fischerdörp Hoben mit sien Husdäker ut Ruhr, is all lang nich mihr so „verslapen“, as wi’t noch ut’t letzt Johrhunnert kennen daun. As Wendörper sünd wi all ümmer väl an de Küst oewer Hoben wannert, sogor dunnemals mit uns lütt Sylva in’n Kinnerwagen, kum einen Minschen sünd wi begägend. Nu geiht de „Radfiern-Wech“ mirren dörch’t Dörp, un’t stööft bannig, wenn de Radfohrers an uns vörbi susen. Uppassen moeten wi, dormit wi nich ünner de Roe’ kamen. Ik glööf, ok por Autofohrers können nich läsen, un führen ut Niegiehr dörch’t Dörp, wat je verbaden is. Ok nu in’n Harfst is’t ’ne Freu’, tau bekieken, wo schön disse Placken Ierd mit uns Wismer-Bucht is. In’t Dörp bläuden de Dahlien un anner Harfstblaumen, un de upstapelten Kürbisse lüchten all ut’e Fiern.

De Singvagels sünd all lang up „Reisen“ in’n Süden ünnerwägens. Nu hebben de Kreihen de Böm för sik alleen un maken Larm. Hüt is’t windstill un de Ostsee licht as een Speigel vör uns, liekers sünd väle Sägelbö’ up’t Wader un de groten Dampers führ’n in Richtung Poel un wedder trüch. Wi sitten up’e Bänk baben an’e Steilküst un bekieken uns dit friedvulle Läben up’t Wader. De Swans un Meiwen sitten bi anner Seevagels un lüchten wiethen mit ehr sneiwittet Gefieder. Kastanien un Eicheln fallen von de Böm, un ik bün bi’m Upsammeln för ’nen bunten Harstkorf för uns Husdör un freu mi oewer den güllenen Harfst.

Else

Junge Frauen und Männer aus Westmecklenburg lernen im Freilichtmuseum – freiwillig und sozial

14.10.2016

Die Anspülung von Treibsel – meist Seegras und Algen –, beziehungsweise dessen Beseitigung, stellt für die Küstengemeinden an der Ostsee eine große finanzielle und organisatorische Herausforderung dar.

14.10.2016

Gäste aus der Republik Baschkortostan an der Großen Stadtschule / Gegenbesuch in Ufa ist im Frühjahr 2017 vorgesehen

14.10.2016
Anzeige