Menü
Ostsee Zeitung | Ihre Zeitung aus Mecklenburg-Vorpommern
Anmelden
Wismar Hobbysportlers
Mecklenburg Wismar Hobbysportlers
Partner im Redaktionsnetzwerk Deutschland
00:01 24.05.2016

Mien Fru un ik lopen dreemal in de Woch’ in’t Fitnessstudio un drapen hier, oewer poor Johr henwech, ümmers deselben Lü’. Bi Aerobic, Salsa, Zumba, Spinning un an de Fitnessgeräte hemm wi alltausamen väl Höög. Tau Johresanfang keemen poor niech Sportfrün’n dortau, de de iersten Trainingsstun’n mit väl Courag’ angüngen. Doch nu, een knapp half Johr spärer, hemm de mihrsten vun de niegen de Flint in’t Kuurn schmäten un sünd nich mihr tau seihn. De gauden Vörsätz’ ut de Silvesternacht sünd längst werrer vergäten. Scha’ eegentlich, denn nich nur de Sport, ok schöne Stun’n in kommodiger Run’n hemm wi hier all beläwt. Dorbi geiht dat ümmers hoch her. Vör Äten un Drinken sünd wi all tausamen taustännig. Jedeen bringt een Deil mit un so kümmt een grotorrich koll’ Büffet mit väl ünnerschiedlich Äten taustan’n. De Pun’n, de wi hier taunähmen, warden bi Salsa un Zumba, bet in de tiedigen Moigenstun’n hen, werrer afdanzt. Wenn dat nich utreikt, geiht annern Dach werrer taun Malochen. Ok wenn mien Knaken dorbi af un an knacken, denk ik, dat wi uns dörch intensiven Sport oewer de Johr henwech oft eis denn Dokter sport hemm. Hapen wi, dat dat in Taukunft so blifft, noch orrich poor Johr fit blieben und uns dat Läbens freug’n könn’.

Hanning

Vor wenigen Tagen hatte Martin Bauer, Mitglied im Umweltausschuss von Grevesmühlen, das Thema Ploggensee angesprochen.

24.05.2016

Der Park ruft!

24.05.2016

Auftaktsieg bei den Männern ging an die Mannschaft aus Kummer, bei den Frauen ans Team Rostock

24.05.2016
Anzeige