Volltextsuche über das Angebot:

15 ° / 12 ° wolkig

Navigation:
Ies-Vergnögen

Ies-Vergnögen

Speigelglatt wier de Iesbahn in‘t witte Telt (Zelt) näben de Markthall, as wi Niejohr na de väle Äterie un Superie an Haben reigen Ostseeluft geneiten wull‘n.

Speigelglatt wier de Iesbahn in‘t witte Telt (Zelt) näben de Markthall, as wi Niejohr na de väle Äterie un Superie an Haben reigen Ostseeluft geneiten wull‘n. Den‘ tweiten Winter gifft disse Iesbahn ünner‘t Teltdack, un is ‘ne Freu‘ för Jung un Old, för all‘, de sik up‘t Ies trugen. Bet tau‘m föfteihnsten Februar is‘t dor moeglich, bi Musik poppenlustig Schlittschauh tau lopen. Wecker keen egen Schlittschauh hett, kann sik för por Moneten weck utleihn. So, as‘t Profis maken, lopen dor ok junge Dierns mit witte Schlittschauh schick oewer‘t Ies. Pormal in Winter kieken wi uns ditt Begäfnis an, un warmen uns mit Gläuhwien up. Dorbi kamen uns Erinnerungen an uns Kinner- un Jugendtiet. Schlittschauh geef‘t nich tau köpen. Wecker ‘nen Por har, wier fin rut. De wiern mierstendeils noch ut Frädenstieden. Mien Mann har as Achtjöhriger in‘n Winter 1945/46 up de Flucht een Por Schlittschauh up ‘nen Dackboen in Niegenstrelitz funnen. Schauh un Schlittschauh passten nich tausamen, oewer hei hett dat Lopen liekers liernt. Later is hei mit uns lütt Döchting üm de Wett lopen. Späder güng‘t in de Rostocker Ieshall mit uns lütten Enkelsöhn‘s Georg un Oskar bannig tau Sak, Opa köm in‘t Schweiten. — Nu sitten wi in‘t Iestelt an‘n Wismerer Haben, kieken gedankenverluurn tau, un freugen uns oewer de niege Generatschion von Ieslöpers.

 



Else

Voriger Artikel
Nächster Artikel
Mehr aus Wismar
Verlagshaus Wismar

Mecklenburger Straße 28
23966 Wismar

Öffnungszeiten:
Montag bis Donnerstag 10.00-17.00 Uhr
Freitag 10.00-16.00 Uhr

Leiterin Lokalredaktion: Kerstin Schröder
E-Mail: wismar@ostsee-zeitung.de
Telefon: 0 38 41 / 415 65

Ticket- und Anzeigenverkauf: 03841 / 41550.

Beilagen
Städtewetter
Heute -° / -° -
- -°/-° -
- -°/-° -
RSS-Feeds

Wissen, was in Rostock und der Welt los ist