Volltextsuche über das Angebot:

24 ° / 13 ° heiter

Navigation:
In‘n Krieg geburn

In‘n Krieg geburn

As ik up de Welt käm, wier gra‘ Fleigeralarm. Mien ierst‘ Wech führte mi direkt in den‘n Luftschutzkeller. Mit bangen Harten säten dor väle Lü‘ un täuften up Entwarnung.

As ik up de Welt käm, wier gra‘ Fleigeralarm. Mien ierst‘ Wech führte mi direkt in den‘n Luftschutzkeller. Mit bangen Harten säten dor väle Lü‘ un täuften up Entwarnung. Taun Glück wier dis‘s Tiet poor Johr spärer tau En‘n un wi käken mit nieglich‘ Ogen in de Taukunft. Ja, ik wier all up de Welt, as Kugelschrievers, Handys un Kreditkoorden noch nich taun Olldach gehürten. Ik harr dacht, dat späukt, wenn Geldschiens ut de Wand rutkämen, nadem wi poor Tasten mit Nummern drücken. Wi kennten keen Hasch, AIDS un FCKW. Keen Minsch wüs‘s wat vun Tweitwagen, Sünnenstudios orrer Kisten taun Wäsch drögen. Musik vun Band, DVD, CD orrer Walk-mans kün‘n sik kein een vörstellen. De Bierkutscher wier Bierkutscher un keen Getränkelogistiker. Wi führten noch för twintig Pennings krüz un quer dörch de ganz‘ Stadt. Wi hemm uns nich an stürt, wenn wi een Stun‘n hen‘n un een Stun‘n trüch Schaulwech harrn. Uns Öllern hemm nich na een Schaulbus sriegt. Wi hemm binah alln‘s sülben makt un Bock müßt‘n wi ok ümmers hemm. Alln‘s dis‘s niemodsch Saken hemm wi nu öwer uns ergahn laten. So is dat denn ok keen Wunner, wenn uns Enkelkinner af un an denken, wi sünd lüt‘t bäten konfus. Ik freu mi, dat sei uns henn un werrer up de Sprüng helpen, de nieg‘ Läbensort tau begriepen.

 

Hanning

Voriger Artikel
Nächster Artikel
Mehr aus Wismar
Verlagshaus Wismar

Mecklenburger Straße 28
23966 Wismar

Öffnungszeiten:
Montag bis Donnerstag 10.00-17.00 Uhr
Freitag 10.00-16.00 Uhr

Leiterin Lokalredaktion: Kerstin Schröder
E-Mail: wismar@ostsee-zeitung.de
Telefon: 0 38 41 / 415 65

Ticket- und Anzeigenverkauf: 03841 / 41550.

Beilagen
Städtewetter
Heute -° / -° -
- -°/-° -
- -°/-° -
RSS-Feeds

Wissen, was in Rostock und der Welt los ist