Menü
Ostsee Zeitung | Ihre Zeitung aus Mecklenburg-Vorpommern
Anmelden
Wismar Kaputte Schauh
Mecklenburg Wismar Kaputte Schauh
Partner im Redaktionsnetzwerk Deutschland
00:00 01.12.2016

Nülich wiern wi tau Stadt, wi wull’n niege Winterschauh för mien Mann köpen. Furts sünd wi finnig wurn un de Winter mit Ies un Snei kann kamen. Ümmer öfter seggen wi: „Wat is’t bloten för’n Oewerfluß in Wismers Ladens un Supermärkte“, un denken dorbi trüch bet in uns Kinnertiet. Wi, de je vör’n tweiten Weltkrieg burn sünd, hebben lege Tieden mitmakt. – Mien Mann har na de Flucht 1945 ut sien pommersche Heimat bloten een Por Schauh. Anner Johr in’n Winter harn sien Schauh vör’n de „Schnuten“ apen, sei wiern kaputt. Sien Mudder, sei wier alleen mit de beid Jungs, har em oft nauch secht, hei sall nich mit Steins Fautballspälen, bloten, hulpen hett’t nich. Dat Mallür wier grot. Een Schauster, de sik up Plattdüütsch ok „Flickenschauster“ orrer „Schlarbenmaker“ nennen deit, hett de ollen Schauh trecht schaustert, oewer natte Fäut har hei liekers. Nu wier’t „Fautballspälen“ ierstmal vörbi, bet dat Frühjohr 1947 köm. – De Minschen wiern na den’n Krieg bannig plietsch. Man secht je nich ümsüß, dat Not erfinnerisch makt. So köm’t denn ok. – De Jungs harn ’nen kaputten Autoriepen funnen, un harn den’n Infall, dorut Sandalen tau maken. Ut olle Fohrrad-Schläuche würn Striepen snäden, womit de „niegen Sandalen“ an de Fäut fastbunnen würn, un’t Fautballspälen mit’n Ball ut Plünnen güng los! – Up’e Welt giff’t noch ümmer väle Kinner, dei dat so gahn deit, as uns dunnemals, dat makt mi bannig trurig. Else

OZ

Zahlreiche Tiere werden von morgen bis Sonntag gezeigt

01.12.2016

Für jeden halben Liter geben Deutsches Rotes Kreuz und Sana-Klinikum Geld für die OZ-Weihnachtsaktion

01.12.2016

Heft 22 der Wismarer Beiträge im Handel erhältlich

01.12.2016
Anzeige