Menü
Ostsee Zeitung | Ihre Zeitung aus Mecklenburg-Vorpommern
Anmelden
Wismar Lege Erfohrung
Mecklenburg Wismar Lege Erfohrung
Partner im Redaktionsnetzwerk Deutschland
00:00 25.04.2016

Bannig lege Erfohrung hebben wi körtlich makt, as dat Wader in‘t Klo löp un löp un de Späulung nich mihr fungscheneerte. As don endlich een Installateur, früher hebben wi Klempner secht, köm un wi den fasten Globen harn, dat dei sien Daun un Handwark versteiht, harn wi uns bannig irrt. Hei fummelierte an‘n Späulkasten rüm, höll mi dorbi ‘nen Vördrach, dat dor binnen all‘ns verkalkt is un dor möt woll wat ganz Nieges her, denn hei glöft nich, dat hei noch Ersatzdeile finnen deit. För een niege Späulung möten oewer de Wandfliesen afslagn un een nieges Klo möt ok inbuucht warden, süss paßt all‘ns nich tausamen. Ik wier fassungslos, denn dit Hus is je noch nich old un nu so‘n Mallür. An dree Dagen köm hei, wier oewer twischendörch furts ümmer wedder wech, bet hei dat Wader tau‘m Stahn krägen har. Em föll een Steen von‘t Hart, mi ok! Von Friedach bet annern Friedachabend hett‘t hollen, don wier de Klospäulung wedder entwei. 180 Euro‘s dorför wiern all betahlt un tröst heff ik mi so: „Dat is‘n Mallür, säd de Klempner, don löd‘t hei sien Näsenspitz an‘n Teekätel fast!“ Uns Nawer, de keen „Installateur“, oewer bannig plietsch is, hett uns Klospäulung heilmakt un rutfunnen, dat noch all Ersatzdeile dorför up‘n Mark sünd. Dat wier väl Wind üm nicks!

Von Else

Juristin informiert haupt- und ehrenamtlich Tätige in Nordwestmecklenburg

25.04.2016

Die Polizei meldet viele Delikte von Betrugsmaschen am Telefon / Vor allem ältere Menschen sind betroffen / Seniorensicherheitsberater klären mit Vorträgen auf

25.04.2016

Keine trockene Paragrafenreiterei am 29. April: Kinder-Uni-Dozenten animieren ihre Zuhörer zum Mitmachen

25.04.2016
Anzeige