Menü
Ostsee Zeitung | Ihre Zeitung aus Mecklenburg-Vorpommern
Anmelden
Wismar Oewerraschung
Mecklenburg Wismar Oewerraschung
Partner im Redaktionsnetzwerk Deutschland
00:00 20.08.2016

Dat is’n por Daach her, dor röp mi een Heike Meyer tohus an. Ehr Stimm’ keem mi bekannt vör ut’t Radio von plattdüütsche Sendungen. Se rädte mi ok glieks mit „Du“ an un frachte, ob se woll eis mit mi noch vör dat Schwedenfest dörch uns’ Stadt lopen künn. Ik süll ehr ’n bäten wat vertellen oewer de Schwedentiet un besonners de Städen wiesen un düden, de eis de Schweden buucht orrer nutzt harn. Dit keem nu för mi as de Blitz ut heiteren Himmel. Up de Frach hen, woans se denn grad up mi kamen wier, kreech ik in den’n Momang keen Antwuurt. Ik süll dat man so hennähmen! Dat heff ik donn ok dan un har ok nicks gägen ehrn Wunsch. So hemm wi donn eenen Termin afspraken un uns vör dat Rathus drapen. Gespannt wier ik je nu oewer as’n Flitzbagen, woans se woll utsehn det. Donn keem vör’t Rathus een schmucke, junge Fru up mi to. As se mien döschiget Gesicht sehn de’, meente se man blot: „Ja, Du hest wiss an een öllerige, dralle Diern dacht, mit de Du nu lostrecken sast!“ Ja, dat har ik würklich, oewer dit wier mi je väl leefer. As wi uns bi dat Klären von de Formalitäten ’n bäten „beschnuppert“ harn, güng dat donn in de Spur; bet to’n Haben hen. Se höl mi af un an de „Flüstertüt“ vör mien Mulwark, un up ehr Fragen müss ik donn ümmer ’n por Sätze seggen. Woans sik dat nu woll anhürn det? Wecker von juch dor ok eis rinhürn will, de kann dat an taukamen Sünndach twüschen Klock söss un Klock nägen bi Radio MV in de plattdüütsche Sendung don. Nieglich bün ik ok all, so as Mudder Haak’sch! Adschüs secht juch

Korl

Workcamp-Teilnehmer rufen Bürger auf, gegen den Einsatz von Kindern als Soldaten einzutreten

20.08.2016

Werdende Mutter unterzieht sich Eingriff in Heidelberg / Ärzteteam verschließt offenen Rücken

20.08.2016

Bis Sonntag feiert die Hansestadt / Historische Kämpfe werden vor dem Rathaus nachgestellt / Bis zu 100 000 Besucher erwartet

20.08.2016
Anzeige