Menü
Ostsee Zeitung | Ihre Zeitung aus Mecklenburg-Vorpommern
Anmelden
Wismar Putzi un Fritzi
Mecklenburg Wismar Putzi un Fritzi
Partner im Redaktionsnetzwerk Deutschland
00:00 22.08.2014

Af un an besäuken wi unsen schönen Dierpark in Wismer. Dittmal har ik een Ooch för de välen bunten exotischen Vagels in de grote Voliere. Hen un her sünd se fladdert un dorbi lut fläut un zwitschert, wiet hen künn man se hürn. Glieks köm mi de Erinnerung an Putzi un Fritzi, Döchtings Wellensittiche. So, as Kinner sünd, se wünschen sik ‘nen Brauder or ‘ne Swester. Ward dat nix, möt een Dier anschafft warden. Hund un Katt künnt wi ehr uträden. Nu süllt ‘nen Wellensittich sien, de bi den Tüchter von näbenan köfft wür. Putzi, een fröhlicher gäl/gräuner Wellensittich, köm in uns lütte Fomilie. Dormit hei nich so alleen is, köm de gräune Fritzi dortau. Mit dissen doemlichen Vagel harn wi uns Maless. Hei har nen slichten Influß up Putzi, sowat gifft ok in de Dierwelt, nich blots bi uns Minschen. Af un tau krägen beid Voegel „Utgang“, se dörften in de Kinnerstuf ümherfladdern. Putzi is ümmer orrig in sien Hus trüchflagen, oewer sien Fründ wull dat partout nich miehr. Hei beherrschte de ganze Stuf, hett dat Schapp un den Gardinenkasten anfretten, un bedüwelte Putzi, dat sülwige tau daun. Nu har Döchting nauch von de Unverschämtigkeiten, Fritzi köm trüch tau‘m Tüchter.

Putzi wier nu wedder alleen un hett uns twölf Johren Freu makt, ok, as Döchting all lang in‘t Studium in Weimar wäst is. De Wellensittiche bi uns Enkelsöhn hebben nu englische Namens, un heiten „Suny“ un „Beachy“.



Else

Ihr letztes Seminar zu den sogenannten neuen Drogen veranstaltet die Beratungsstelle für sexuelle Gesundheit und Aufklärung in Westmecklenburg ab 8. September in Gadebusch.

22.08.2014

Die rund 25 000 Unternehmen der gewerblichen Wirtschaft in Westmecklenburg wählen im Spätsommer ihr „Parlament der Wirtschaft“ — die Vollversammlung der Industrie- und Handelskammer zu Schwerin.

22.08.2014

Fünf Lüster hat Petra Matelova in ihrer Werkstatt in Novy Bor angefertigt und jetzt in den Sälen aufgehängt.

22.08.2014