Menü
Ostsee Zeitung | Ihre Zeitung aus Mecklenburg-Vorpommern
Anmelden
Wismar Up Poel
Mecklenburg Wismar Up Poel
Partner im Redaktionsnetzwerk Deutschland
00:01 23.05.2016

Kort entschlaten sünd mien Mann un ik an’n iersten warmen Dach in Mai na Poel führt, un hebben dissen Placken Ierd na Hartenlust genaten. Vörbi an bläudende gäle Rapsfeller, un väle Böm an de Strat mit ehr nieget Gräun, güng’t tauierst an’n Haben in Kirchdörp. De Ostsee leech dor as een Speigel. De Poeler Damper köm ut Wismer anschippert, un bröchte por Gäste up de Insel. Bloten de välen Seevoegel makten Larm, süss wier’t utergewöhnlich lies, noch is je Vörsaison. Wi hebben uns an’n Haben dat gaude Merrachäten mit väl Fisch münnen laten, un dorbi de frische soltige Seeluft ümsüss hatt. Väle niege witte Bänk stahn dicht bi dicht an’n Kai, un laden tau’m Utraugen in. – Wieder güng’t na Timmendörp. Ok dor kann man kommodig an’n Haben sitten, orrer, väl lopen. In por Strandkörf säten de Sünnenanbäder, ok dor wier’t noch bannig sinnig, so, as wi dat ut uns Jugendtiet weiten daun. As junget Mäten bün’n ik eis alleen an den Timmendörper Strand führt, un heff dor Ilona, een fidele Verköperin ut’t „Grote HO“, wat hüt wedder „Karstadt“ heit, drapen. Tausamen harn wi väl Hoeg an dissen warmen Sommerdach, un hebben gor nich markt, dat uns Hut ümmer roder un roder wür, un twors geih’t dit in Timmendörp bannig fix. Dat wier een Sünnenbrand, de ierste, oewer, ok een Lihr för’t Läben. – Gaut erhalt, un mit ’nen groten Dösch von’n Kutter güng’t nu trüch tau uns schöne Heimatstadt Wismer.

Else

Autocross begeistert zahlreiche Zuschauer / Aus Nordwestmecklenburg sind zwei Teams mit dabei

23.05.2016

Der Polier Dirk Gribnitz wird zum ersten Mal König / Marlies Düsing bekommt die Königskette zum vierten Mal / Beim Nachwuchs siegt Florian Düsing

23.05.2016

Drei Insassen (36, 31 und 46 Jahre) eines Autos mit Wismarer Kennzeichen erlitten bei einem Unfall am Sonnabend Verletzungen.

23.05.2016
Anzeige