Menü
Ostsee Zeitung | Ihre Zeitung aus Mecklenburg-Vorpommern
Anmelden
Wismar Up‘n Hund kamen
Mecklenburg Wismar Up‘n Hund kamen
Partner im Redaktionsnetzwerk Deutschland
00:00 27.08.2013

Vör latern Tiet, as wi noch in Proseken uns Tauhus harrn, uns Kinner wiern twölf un vierteihn Johr olt, kämen wi ungewollt up den‘n Hund. De Kinner hem‘m em mitbröcht un hei wier as Lüt‘t so drullig, dat wi nich umhenkämen, em tau beholl‘n. Sei verspräken beid, sik ok ümmers üm em tau kümmern. Bannig lang duerte dat nich un mien Fru un ik harrn een groten Scheeperhun‘n. Wi bekämen tau weiten, wiväl Arbeid dormit verbun‘n wier, äwer wi harrn ok väl Freud‘ an uns Vierbeener. An un in sien Zwinger wier hei de Chef. Up Katten un Häuhner wier hei nich gaut tau spräken. Hei wier kum an de Lien tau holl‘n, wenn hei sei tau seihn kreech. Häuhner in sien Zwinger makte hei fix den‘n Garut, verpurrte sei in de Ird, dat nur noch de Been tau seihn wiern. So müßt‘n wi af un an för den‘n Schauldirekter vun mien Fru uns üm niege Häuhner bedaun, wat ehr siehr pienlich wier. Uns schönstes Beläwnis mit uns Hund wier, as hei uns fief lüt‘t Welpen vör uns Dör lechte. Dormit harrn wi noch mihr Arbeid, äwer ok väl Höög. As sei den‘n lopen kün‘n, wier ik de Rattenfänger vun Proseken. Al‘l Kinner ut uns Dörp löpen mi achteran, wenn ik mit de Hun‘n ünnerwägens wier. Duerte ok nich lang un wi harrn för uns lüt‘t Scheeperhun‘n niege „Herrchen“ fun‘n, de vun uns mit tranenden Ogen verafschied‘ wurn‘d.

Hanning

Die Gelder fließen in Vorhaben in der Altstadt und am Kagenmarkt. Die Mecklenburger Straße soll ab dem nächsten Jahr in drei Bauabschnitten saniert werden.

27.08.2013

Der Dargetzower SV punktet in den Schlusssekunden.

27.08.2013

Der Radweg von Lübow in Richtung Wismar entwickelt sich weiter. Noch Ende September soll mit dem Abschnitt vom Abzweig Hof Triwalk bis zum Ortseingang Lübow begonnen werden.

27.08.2013