Menü
Ostsee Zeitung | Ihre Zeitung aus Mecklenburg-Vorpommern
Anmelden
Wismar Up’n „Kriegspfad“
Mecklenburg Wismar Up’n „Kriegspfad“
Partner im Redaktionsnetzwerk Deutschland
00:00 16.08.2016

De Kirch an’n Greeser Wech in Dargetzow wür dunnemals ok as Schaul nutzt, bloten, sei wier all vull, as ik 1942 mit kum söss Johren inschault wür. So müss ik alleen alle Dagen orrig por Kilometer bi Wind un Wäder bet tau de Mädchen-Volksschaul, hütige Volkshochschaul, tau Faut lopen. De Kinner ut mien Strat wiern up anner Schaulen verdeilt. Düütschland wier in’n Tweiten Weltkrieg, Busse geef’t nich, ok harn wi Kinner keen Fohrrad. Wenn de Schaulglock tau de Stunn’ bimmelte, wier ik dor. Dat ik ok ümmer orrig un flietig sien möt, hett mi Mudding bibröcht, denn sei sülfst wier een bannig flietige Fru un hett uns Kinner dat vörlääft. Durmals geef’t kum Autos, bloten Pierwagens un Fohrroe up Wismers Straten, so künn mi ünnerwägens nicks Leges mallüren, wenn bloten disse Rabauken nich wäst wiern. Een Hupen Kinner ut de „Vagelwelt“, de Straten heiten dor Amsel-, Drossel-, Finken- un Meisenwech, köm, as wiern sei up’n „Kriegspfad“, mit Bölken un Groelen un harn grote Sünnenblaumen mit Woeddel bi sik. Dormit güngen sei up mi dal. Nu wull ik nich mihr tau Schaul gahn, bloten „schwänzen“ wull ik ok nich un heff tau Hus rort. Don köm Vadding up’t Fohrrad achteran. As’t wedder losgüng, hett hei den Gröttsten orrig den Noors verwimst, dat hett hulpen. ’Nen groten Bagen hebben sei nu üm mi makt, bloten Schiss har ik liekerst.

Else

Die Wahlwerbung der Parteien ist auch in diesem Jahr Ziel von Vandalismus. Vor allem Parteien des rechten Spektrums spüren das vermehrt.

16.08.2016

Wegen Restarbeiten im umgebauten Haus werden kleine „Wikinger“ in Awo-Kita „Emil Grünbär“ betreut

16.08.2016

Ceravis verkauft ehemalige Flächen der Nordkorn- bzw. Getreide AG am Börzower Weg / Mit 12,5 Hektar Fläche ist es der größte Ankauf seit der Wende

16.08.2016
Anzeige