Menü
Ostsee Zeitung | Ihre Zeitung aus Mecklenburg-Vorpommern
Anmelden
Wismar Vull orrer nich vull
Mecklenburg Wismar Vull orrer nich vull
Partner im Redaktionsnetzwerk Deutschland
00:00 01.04.2014

De Lihrer steiht vör sien‘ Schäulers in de Abi-Klass‘, stellt ahn een Wuurt tau segg‘n een grot‘ Inmakglas up denn Disch. Hei lecht Dischtennisbäll rin, bet dat Glas vull is. Nu fröcht hei: „Is dat Glas vull?“ All tauhop segg‘n ja. Nu schürrt hei noch lütt‘ Kieselsteen up de Bäl‘l. Hei fröcht werrer „Is dat Glas nu vull?“ Al‘l de Schäulers segg‘n „Ja“. Dorna schürrt hei ne Dos‘ mit finen Sand up de Bäl‘l un de Kieselsteen bet alln‘s bedeckt is. Hei fracht noch eis: „Is dat Glas nu vull?“ De Schälers ropen: „Nu is dat Glas rappelvull.“ De Lihrer grient sik eins. Nu fängt de Spaß ierst richtig an, as hei noch twei Dosen Bier in dat Glas schürrt. Alltauhop sünd sik nu einig, mihr geiht nich rin. De Lihrer verklort denn Schäulern hiermit, dat dat wichtigst in‘t Läben ümmers tauierst kümmt. Vör de Bäl‘l steiht: „Fomilie, Kinner, Gesundheit un Frünn“. Vör de Steen: „Arbeid, Auto, Hus“. Vör den‘n Sand: „All de Kleinigkeiten, de so in‘t Läben passieren.“ Wenn wi äwers tauierst denn Sand infüllt harrn, wür‘n wi mit de Hauptsak nich mihr tau Pott kamen. Achtet up de Ding, de för juch Glück wichtig un nödig sünd. Een vun de Schäulers bört de Hand un fröcht: „Wat hett denn dat Bier noch tau bedüden?“ De Lihrer schmunzelt un secht: „Dat is dortau dor, üm tau wiesen, egal wo swor dat Läben sin mach, för twei Bier is ümmers noch nauch Platz dor.“



Hanning

Bei Timmendorfer Pferdesporttagen dominieren Reiter aus Gadebusch und von der Insel Poel.

01.04.2014

In Wismar wurde Mini-Fußball-WM 2014 ausgespielt.

01.04.2014

Ein Grevesmühlener Projekt für Mädchen und Jungen soll auch in Wismar starten. Partner und Sponsoren werden noch gesucht.

01.04.2014
Anzeige