Menü
Ostsee Zeitung | Ihre Zeitung aus Mecklenburg-Vorpommern
Anmelden
Wismar Vun’t Inschlapen
Mecklenburg Wismar Vun’t Inschlapen
Partner im Redaktionsnetzwerk Deutschland
00:00 14.06.2016

Vörrig Mand führte ik mit mien Drahtäsel dörch de Stadt. De Häben seech düster ut, duerte ok nich lang un dat füng an tau pladdern. Taun Glück wier een Kattensprung wierer een Baukladen un furts bün ik dor ünnerkrapen. Ik glöf, ik wier nich de einzigst, de dissen Infall harr. De Baukhändler kün’n oewer Kun’n nich klagen, hei harr väl tau daun. As ik dörch de Baukreigen stöberte, dröp ik dor mien Fründ Uwing, mit denn ik nägenteihnhunnertsöbenunföfftig in de Lihr’ wier. Wi keemen in’t brabbeln, hei verklorte mi, dat hei een Bauk taun inschlapen säukt. Dat süll nich langwielig sien, nich upmunternt un ok nich belihrend. Hei wull een Bauk, oewer dat man gaudens Gewissens hen inschlapen künn. Denn löt hei sik doroewer ut. Wenn’t langwielig is, war’ ik mi argern, dat ik dat köfft heff, denn kann ik nich inschlapen. Wenn’t upmunternd is, möt ik tau Nacht upstahn un irgendwat daun, un wenn’t belihrend is, erinnert mi dat doran, wat ik all nich kann un nich weit un denn kann’k ierst recht nich inschlapen. Mien Antwuurt dorup wier, lat dat mit de Bäukers, treck tau nachtschlapen Tiet de Gardinen trüch un tell de Wolken an Häben. Doröwerhen warst du bestimmt inschlapen, vergät moigens blots nich dat Upstahn. Un oewrigens, wenn dat ok nich helpt, mi helpt ümmers een lütt’n Sluck tau Nacht bim Inschlapen. Hei säd tau mi: „Een gauden Ratslag, ik war em beherzigen.“ Na denn bet tau nächst.

Hanning

Die Sanierung des Grevesmühlener Bahnhofsgebäudes entpuppt sich als schwieriger als gedacht / Trotz der Probleme bleiben die Kosten (fast) im Rahmen

14.06.2016

Bürgermeister und Einwohner sind besorgt / Apotheker tritt als Vermittler auf

14.06.2016

Mit einem Klimaschutzprojekt hat sich die Große Stadtschule „Geschwister-Scholl-Gymnasium“ in Wismar den Titel Landessieger Mecklenburg-Vorpommern in einem Energiesparmeister-Wettbewerb gesichert.

14.06.2016
Anzeige