Menü
Ostsee Zeitung | Ihre Zeitung aus Mecklenburg-Vorpommern
Anmelden
Kommentar „Mudder harr alle Priesen in’n Kopp“
Mehr Meinung Kommentar „Mudder harr alle Priesen in’n Kopp“
Partner im Redaktionsnetzwerk Deutschland
00:00 12.06.2017

Grotunkel Hugo harr sien Bäunerie in Dobbin arft, dei sien Vöröllern nå 1850 von’t Klosteramt Dobbertin köpen künnen. Un dor dei Bäuner von disse lütte Landwirtschaft nich allein läben künn, mœst hei sik noch nå wat anners ümseihn. Grotunkel Hugo hett sik dortau ’n Kopmannslåden up Rö’ taulecht un kreech inne Fomilie denn Ökelnåmen „dei Kopmann“.

Solten Hiring in’t Fatt, Rietstäken, Bohnerwass, Solt, Zucker, Seip, Ata un Persil, witten un brunen Kœm un por Kolonialworen würn åhn Lådendisch so von’n Wågen rünner verköfft un dei Kunnen hemm’

dat betåhlt, wat hei in’n Kopp tausåmen tellt harr. As Mudder denn inne 50er Johr „ehrn“ Dörpkonsum upmåken künn, hett sei all mit väl mihr Såken hannelt, as ehr Unkel Hugo för 1945.

Dat Heringsfatt stünn bi ehr ok inne Eck von’n Lagerrum, Mähl un Zucker mösst sei ut ’n groten Sack utweigen, äbenso Bodder von’n groten Block, tweimål inne Wäk keem dei Fleischer- un Bäckerwågen, dei Melkwågen keem jeden Dach vörbi, up Bestellung geef dat Neihmaschinen un Fohrrö’, œwer ok Schaubänner un Schlüppergummi, Schriewheften un Fedderstickens, äben allens, wat ’n so up’n Lann bruken künn.

Mudder harr ok alle Priesen in’n Kopp, denn tau dei Tiet wier dei Pries fastsett’t. So keem taun Bispill ’n lütt Buddel Brunen œwerall in’t Land 5,55 Mark. Mudder mösst för allens, wat œwern Lådendisch güng,’n Kassenzeddel schrieben, hett dornå afkassiert un dei Rabattmarken utgäben: För klamme Kunnen schreef sei an un wohrte denn Kassenzeddel inne Bilad’ bet tau dei Inlösung up.

Un denn keem dei Sülfstbedeinung up un as disse Lådens noch nich grot nauch wiern, keemen dei Diskaunter up mit 800 bet 3600 Artikel in’t Sortiment un as dat noch nich nauch afschmeet, wür dat SB Worenhus mit ’n Sortiment bet tau 40000 Artikel inricht. Dor gifft dat nu allens, wat dei Minsch taun Äten un Drinken, an Kledåschen un in’n Hushalt nödig hett, dat gifft Àft un Gräuntüch ut aller Herren Länner, äbenso frische Såken un wecker inne Deipkœhlkist, Artikel för dei vegane orrer utlännisch Kœk. Dei Kunn’ geiht anne Buurten vörbi un lecht in sienen Inkopswågen all dat, wat hei giern hemm’ will.

Ünnerwägens finnt hei in son’n grot Kophus ok ’n Afläser, dei em denn Pries utwiest, wenn dei nich näben denn „Strichcode“ tau finnen is. In disse groten Geschäften gifft dat blot noch würkliche Verköpersch anne Wust- un Keesthek orrer an’n Kauken- un Brotstand. Süss is dat Personal mit Inpacken, Uprühmen un Ordnung hollen befåt, kiekt nå’t MHD, sortiert dat achterste nå vörn un nimmt up.

wat nåbestellt warden mœt. Bi denn einen un annern Artikel, besonneres bi dei Angebote, ward dei „Strickcode“ dörch ’n Nummer ersett’t un dei Afläserapparat wannelt denn denn „Strickcode“ orrer dei Worennummer in’n Pries up’n Kassenbon üm. Nu gåhn dei gröttsten Hüs mit Sülfbedeinung dortau œwer, dat dei Kunn’ sik ok noch sülben afkassieren sall.

Dei Kunn’ mœt nu sülben denn Afläser inne Hand nähmen orrer nå dei elektronisch Anwiesung hier un dor denn Finger antippen. Is wat verkihrt gåhn, denn is allens rückgängig tau måken un man mœt noch eins anfangen. Dei Kunn’ mœt angäben, ob hei Geld bi sik hett orrer mit ’n Kort betåhlen will un ward denn denn Bedrack so as bi ’n Parkhusautomaten los. Un näbenbi steiht ’n fründlich Upsicht, dei mœt uppassen, dat dei Kunn’ nich up’e inglisch Oort inköfft. Grot helpen dörp sei nich, denn so wür mi dat verklort, dat is ja äben dei Kass’ üm sik sülben aftaukassieren.

OZ

Kommentar Leyens „schießendes Personal“ - Blöder Witz

Von Jens Burmeister

25.08.2014

Norddeutschland ist auf die EU-Osterweiterung schlecht vorbereitet. Punkt. Und nun? Kopf in den feinen Ostseesand stecken und auf hohem Niveau lautstark jammern?

04.06.2018

Die vom Kanzler eingesetzte Hartz-Kommission hat wieder einmal keine Beschlüsse zur Reform des Arbeitsmarktes vorgelegt. Das Gremium ist damit so ziemlich das Gegenteil eines Stummfilms.

04.06.2018
Anzeige