Volltextsuche über das Angebot:

12 ° / 6 ° Regenschauer
Partner im Redaktionsnetzwerk Deutschland RND

Navigation:
Allens Utlänners in Helga ehr Gaststuf‘

Allens Utlänners in Helga ehr Gaststuf‘

„Duwwelkopp“, segg ick. Un freug mi. De Vörsitter is dor, de Busfohrer ok, un sülwst Egon leggt sien Bauk an‘ne Siet un lött sick Korden gäben. Wo lang hebben wi dit nich mihr spält.

„Duwwelkopp“, segg ick. Un freug mi. De Vörsitter is dor, de Busfohrer ok, un sülwst Egon leggt sien Bauk an‘ne Siet un lött sick Korden gäben. Wo lang hebben wi dit nich mihr spält. Dat gifft säker in Nurddütschland nich mihr väl Lüd, de dat olle Späl noch könn‘.

Grad will ick in mien Korden kieken, dunn ballert ein‘ sien Hand up‘n Disch un bölkt „Gutten Tack“. De Hand — grot as een Kahlenschüffel (Kohlenschaufel) un ok so schwatt — hürt to „Cola uno“.

Grotmastig steiht de Schwatte dor und grient. („De Schwatte“ sall man gor nich mihr seggen, heff ick nülich läst. Hüt heit dat „stark pigmentierter Mitbürger mit Migrationshintergrund“. Nu segg dit mal up Platt!) Siet väle Wochen sitt de „stark Pigmentierte“ in‘ne Eck von Helga ehr Gaststuf un kiekt in sien Cola rin. Wi hebben meist blots de Ogen lüchten seihn un uns doran wennt, grad as wier dat ein Dischlamp. Un nu? Wat will de Kierl?

„Könn‘ wi Se helpen?“, frög ick so fründlich, as mi dat nah so‘n Schock möglich wier.

„Woher kommen Sie? Ich komme aus dem Tschad“, seggt hei. Dunnerlüchting! Dat kann nich nur Cola drinken un kieken, dat schnackt ok Hochdütsch, un gor nich schlicht. Un denn kümmt dat rut, hei, dei Schwatte ut den‘ Tschad, höllt uns för Utlänners. Wiel wi nich Hochdütsch schnacken, as di dat hütigendags an jede Volkshochschaul biböögt ward, sünnern ein Sprak, wat hei nich kennt. Woans wisst du dat ein ut Afrika verkloren, dat uns‘ Platt ok Dütsch is, blots dusentmol schöner un fründlicher as sien oll dömlich Hochdütsch?

Ihrer ein von uns all dit in Würd‘ faten kann, gifft hei uns noch ein gauden Tipp: „Lernen Sie auch Deutsch. Und sprechen Sie viel mit den Deutschen! Tschüss.“

OZ

Voriger Artikel
Nächster Artikel
Mehr zum Artikel
Berlin

Eine neue Ausstellung in der Berliner Gedenkstätte des Deutschen Widerstands zeigt die weltweite Bewegung „Freies Deutschland“

Kostenpflichtiger Inhalt mehr
Mehr aus MV aktuell
Benjamin Barz Ostsee-Zeitung Ostsee-Zeitung Termine, Events, Veranstaltungen Teaser der den User auf die Seite "Termine" führen soll image/svg+xml Image Teaser Termine 2015-09-23 de Veranstaltungen Aktuelle Termine Konzerte, Kino, Ausstellungen, Vorträge, Theater, Workshops, Tanz und noch vieles mehr. Alle Veranstaltungen und Freizeittipps in Ihrer Nähe finden Sie hier.