Volltextsuche über das Angebot:

7 ° / 4 ° Regenschauer

Navigation:
Dei Weltsensation up’n Glatten Aal

Dei Weltsensation up’n Glatten Aal

Up’n „Glatten Aal“, denn’ groten Platz achter dei Post in Rostock, hett männigein Börger un Tourist all eins sien Auto afstellt. Upstunns is’t dormit vörbi. All 2017 sall hier ein Inköpcenter stahn.

Voriger Artikel
Hansa und Großaspach trennen sich torlos
Nächster Artikel
Sternschnuppen-Nächte: Astrofans in MV brauchen Glück

Plattdeutsch- Autor Wolfgang Mahnke

Up’n „Glatten Aal“, denn’ groten Platz achter dei Post in Rostock, hett männigein Börger un Tourist all eins sien Auto afstellt. Upstunns is’t dormit vörbi. All 2017 sall hier ein Inköpcenter stahn. Oewer nu sünd ierst dei Archäologen an’e Reih, denn sei vermauden dat unner dei Ierd noch dei ein orer anner „Schatz“ liggt, denn vör 800 Johr un bet tau denn’ Bombenangriff 1942 hen, hebben Handwarker in dit Rebeit läwt un ehr Hüser bugt.

Twei Maand wiern vergahn, orrig ’n poor Irdschichten harrn dei Archäologen all afdragen un dorbi Kellers, Grundmuern, Schosteinstumpen un sogor ein’n Fautbodden von ein Koek mit bunt Fliesen frieleggt. Ok Buddels, Kakpött, väl Schören un sogor Schmuck ut’t Middelöller kemen dorbi an’t Licht. Nah disse Buddelie harr Dr. Erdmann, dei för dei Grabungen taustännig is, sick ’n poor Daag Urlaub verdeint un gew sien Hülpslüd, dei Archäologie-Studenten Anwiesung, wat in’e nehgsten vierteigen Daag tau daun wier: Sei süll’n dat äben frieleggt Priwee akkerat up’n Grund gahn. Hei harr ehr nich ümsüss dat Klo tauwiest, denn grad in olle Latrinen is all männigein Schatz funnen worden.

Nah dei drög Theorie in’n Hürsaal wüssten dei Studenten woll, wat dei Baas ehr anvertrugt harr un güngen mit groten Iewer tau Wark. As sei denn’ „Fund“ in’t Labor rein makt un unnersöcht harrn, stünn fast, dat ’n Ort Smartphon vör ehr leg. Oewer woans is dit in ein Klo ut dat Middelöller kamen? Künn nich anners sin, dat „Smartphon“ stammt von Butenierdsche, dei sick dunnmals in Rostock ümkäken hebben. Ein’n wier woll dit Ding up’n Aftritt ut dei Büxentasch foll’n. Wenn sick dat würklich so afspält harr, denn wier dei Fund ein Sensation! Kein anner wier woll dortau instann dat ruttaukriegen, as dei Computerspezialist Jamal Kapur.

Jamal kek sick denn’ Schrotthupen an un säd: „Ach du leiwer Gott. Dor is woll kum noch wat bi tau maken, oewer ick will’t versäuken, gäwt mi twei Daag Tiet!“ Alltauväl harr hei nich rutfummelt krägen, oewer ’n bäten Billerstückwark, harr hei doch up sien Notebook oewerdragen künnt. Hier un dor wier sogor Sprak un Singsang up tau hüren. Un tau seih’n: Väl Lüd, dei hebben Kleeder an, as sei in’t Middelöller dragen würden. As dei Studenten sick dat „Bildmaterial“ ankäken harrn, wier sei klor: Sei hebben Biller vör sick, dei von Butenierdsche in’t Middelöller in’t Rostocker Rathus upnahmen worden sünd! Ein Weltsensation! In ehren Oeweriewer vergäten sei denn’ Baas tau unnerrichten un ropen för’n annern Dag ein Pressekonferenz in.

As Dr. Erdmann in Boltenhagen bi’t Frühstückäten dei „Ostsee Zeitung“ upschlöggt, dröppt em binah dei Schlag: „Weltsensation! ‚Smartphon‘ von Außerirdischen bei Grabungen auf dem ‚Glatten Aal‘ in Latrine aus dem Mittelalter gefunden, sogar Bildmarterial von Bürgern im Rathaus teilweise erhalten!“ Erdmann kickt up sien Klock. In twei Stunn möt hei in Rostock sin. Dat hei unnerwägens tweimal blitzt würd, kriggt hei ierst Wochen späder mit.

Dei grote Saal von’e „OZ“ is proppenvull. Erdmann drängelt sick bet nah dat Podium vör, grippt nah’t Mikro un will dei Konferenz afblasen. Oewer dat maken dei Journalisten nich mit. Nu möt Erdmann dei Büxen dallaten: Hei kümmt twors mit dei Wohrheit rut, lücht oewer ’n bäten tau: „Mien Hülpslüd, dei Studenten, wullen dei Journalisten woll ’n bäten brüden. Von Weltsensation kann kein dei Räd sin. Dat Smartphon, wat sei in dat Klo funnen hebben, is mien. Vör drei Johr hew ick dat bi Probegrabungen up’n Glatten Aal verlur’n. Wohrschienlich is dat in denn’ Latrinenschacht foll’n, denn’ wi späder wedder tauschütt’en. Dorüm kann ick sei ok verkloren, wat dat mit dei Biller up sick hett: Up dei Trepp in’t Rathus stahn dei ‚Rostocker Vaganten‘, bi dat Spill ‚Slüters Hochtiet‘. Dei Pressekonferenz is tauend!“

As Dr. Erdmann sick sien Studenten vörknöpen will, üm ehr dei Leviten tau läsen, sünd dei all utneiht. Hei sett sick mit orrig Raasch’ in’n Buk in sien Benzinkutsch un führt trügg. Oewer dei Grull nümmt mit jedein’n Kilometer Fohrt af. Un middenmal möt hei sogor luthals oewer son’n „Weltsensation“ lachen un hadd dorbi vör Klütz binah dat Afbögen nah Boltenhagen vergäten.

OZ

Voriger Artikel
Nächster Artikel
Mehr zum Artikel
Rio de Janeiro

Das hat es so bei einer Olympischen Eröffnungsfeier noch nicht gegeben. Ein hochnotpeinliches Pfeifkonzert wird für den ersten Mann im Staat zum Debakel: Ein Kontrast zur unbändigen Lebensfreude und grandiosen Musik dieser Stadt, die bei der Maracanã-Show verzaubert.

mehr
Mehr aus MV aktuell
Benjamin Barz Ostsee-Zeitung Ostsee-Zeitung Termine, Events, Veranstaltungen Teaser der den User auf die Seite "Termine" führen soll image/svg+xml Image Teaser Termine 2015-09-23 de Veranstaltungen Aktuelle Termine Konzerte, Kino, Ausstellungen, Vorträge, Theater, Workshops, Tanz und noch vieles mehr. Alle Veranstaltungen und Freizeittipps in Ihrer Nähe finden Sie hier.