Volltextsuche über das Angebot:

19 ° / 14 ° Regenschauer

Navigation:
Ein niege Partei

Ein niege Partei

In por Dåch sünd Wåhlen un dor räken sik dei einen un dei annern wat ut. So wull ok all eins dei „Bierdrinkerpartei“ in'n Landdach intrecken, oewer dei Bierdrinker ...

Voriger Artikel
Greifswalder FC unterliegt FC Hansa 0:5
Nächster Artikel
Hochhäuser gegen Wohnungsnot: Neuer Turm für Lütten Klein?

In por Dåch sünd Wåhlen un dor räken sik dei einen un dei annern wat ut. So wull ok all eins dei „Bierdrinkerpartei“ in'n Landdach intrecken, oewer dei Bierdrinker von dunnemals künnen denn doch nich ehr Wahlparty mit Friebier up Kosten von denn Stüertåhler fiern.

Behrend Böckmann (73)

ist Niederdeutsch-Autor.

Für die OSTSEE-ZEITUNG verfasst er plattdeutsche

Texte.

Mit dei „Spaßpartei“ is dat nich anners lopen un dei „Piraten“ verlopen sik ok in'n Sand. Dat gifft noch mihr son'n lütt Parteien in Dütschland dei so üm dei 500 Maaten tellen. Dat sünd taun Bispill „pro Dütschland“ (452), dei „Rentner“ (758), „Börger in Wut“ (500), „Dei Frugens“ (376), „Dei Violetten“ (743) un noch por anner.

Dei dütsche Upfåtung von Demokratie un von'n minschlichen Ümgang miteinanner måkt dat mœglich, dat sik Minschen taun Demo gegen Dierten in'n Zirkus un denn Uptoch von Schwien in Grotanlågen vör't Rathus orrer Buplätz infinnen un ludhals verkünnen, dat sei gägen dit un dat sünd un wat sei von dei Polletikers orrer Ünnernähmer willen.

So hemm' sik nu ok in Mäkelnborg por Minschen gägen Flœgelmœhlen tausåmendån. Dei einen måken dat ut Sorch, dat 'n Vågel orrer 'n Fleddermus dörch 'n Flœgelschlach dod von'n Häben föllt, un anner kœnen nich schlåpen un sünd dorbi, ehr Partei „Freie Horizonte“ tau grünnen. In ehr Hüsung up'n Land willen's nich von denn Flœgelschlach stürt warden, dei disse Lüd nich blot nich schlåpen lött, sonnern ok denn Wiert von't Hus dull minnern deit, wenn denn mål von't Landläben dei Schnut vull hemm'.

Oewer dat gifft ja ok Minschen, dei wägen denn Larm von Nåwers Håhn orrer denn Schlach vonne Klock in'n Karktorm nich schlåpen kœnen un dormit tau Gericht trecken. Dat hemm' wull disse Lüd mit 'n Veihdokter as böbelsten Maat von „Freie Horizonte“ nich vör, ower sei willen in'n Landdach intrecken un dor Polletik gägen Flœgenmœhlen måken.

Oewer noch sünd sei nich wählt. Un süll dat wat warden, denn kœnen's as lütt Oppositschon plausibel vördrägen, woans sei sik dei Energiewenn' åhn Flœgelmœhlen vörstellen.

OZ

Voriger Artikel
Nächster Artikel
Mehr zum Artikel
OZ-Bild
mehr
Mehr aus MV aktuell
Benjamin Barz Ostsee-Zeitung Ostsee-Zeitung Termine, Events, Veranstaltungen Teaser der den User auf die Seite "Termine" führen soll image/svg+xml Image Teaser Termine 2015-09-23 de Veranstaltungen Aktuelle Termine Konzerte, Kino, Ausstellungen, Vorträge, Theater, Workshops, Tanz und noch vieles mehr. Alle Veranstaltungen und Freizeittipps in Ihrer Nähe finden Sie hier.