Volltextsuche über das Angebot:

21 ° / 14 ° Regenschauer

Navigation:
Faudern, wat gesund måkt

Faudern, wat gesund måkt

So is dat up uns Welt, dei einen hemm‘ nich nauch tau faudern, üm satt tau warden un anner willen blot noch dat faudern, wat sei nich blot satt sonnern gesund måkt un olt warden lött.

So is dat up uns Welt, dei einen hemm‘ nich nauch tau faudern, üm satt tau warden un anner willen blot noch dat faudern, wat sei nich blot satt sonnern gesund måkt un olt warden lött. Gesund faudern is in‘n Momang œwerall dor dei grote Rönner, wo œwer Kåken un Äten schnackt un schräben ward. Un bi all dit kümmt ümmer wedder rut, dat Minschen sik ‘n gaude Gesundheit un‘n langet Läben anfaudern kœnen, wenn‘s denn as ‘n Hås blot von Gräuntüch un Wåder läben würn. ‘N „Smoothie“ ut Gräuntüch mit bäten Åft, „Cerealien“ in Sojamelk, Eierrührersatz ut witte Bohnen un Wunnerdrupens ut‘e gräune Apteik sünd ‘n lütter Deil von‘t Fauder, üm gesund un lang tau läben.

Dei „BIO“-Buurten mit Angebote för‘t gesunne Läben warden ümmer länger, un Naturkosthöker un Diskaunter hollen för Veganer un Vegetarier un noch anner Lüd allens pråt, wat för disse Oort tau läben un tau faudern nödig is, Un dortau hemm‘ dei Hannelslüd noch ‘n Rüker för gaude Innåhmen, denn sei weiten, dat all, dei gesund faudern willen, ok in gesunne Kledåschen ut Biokattun tau Disch gåhn. Un för disse Lüd gifft dat taun Bispill BIO-Vanilleschoten ut Madagaskar un BIO-Gurken ut Spanien, för dei Lütten vegane Gummiboren un för dei Groten vegane Œwertrecker. Un dat gifft noch väl mihr för‘t gesunne Läben, wenn nauch inne Kniep is.

Äten un Drinken höllt Lief un Seel tausåmen un dei Minsch sall dat faudern, wat schmecken deit un wat satt un taufräden måkt. Un hei sall von allens wat faudern un sik dorbi bewägen, nauch drinken, mit Bodder sporsam ümgåhn, nich allens stunnenlang tau Füer hemm‘, väl Åft un Tüffeln nich vergäten un nie nich mihr Solt un Zucker as nödig verwennen.

OZ

Voriger Artikel
Nächster Artikel
Mehr zum Artikel
OZ-Bild
mehr
Mehr aus MV aktuell
Benjamin Barz Ostsee-Zeitung Ostsee-Zeitung Termine, Events, Veranstaltungen Teaser der den User auf die Seite "Termine" führen soll image/svg+xml Image Teaser Termine 2015-09-23 de Veranstaltungen Aktuelle Termine Konzerte, Kino, Ausstellungen, Vorträge, Theater, Workshops, Tanz und noch vieles mehr. Alle Veranstaltungen und Freizeittipps in Ihrer Nähe finden Sie hier.