Menü
Ostsee Zeitung | Ihre Zeitung aus Mecklenburg-Vorpommern
Anmelden
MV aktuell Jamala ehr Leed „44“
Nachrichten MV aktuell Jamala ehr Leed „44“
Partner im Redaktionsnetzwerk Deutschland
00:00 26.05.2016

Susana Jamaladinova keem 1983 in Osch, dei tweitgröttste Stadt in’t hütig Kirgistan up’e Welt. Ehr Vadder is ’n afstämmiger Krimtatar, ehr Mudder keem ut Armenien un is stolt, dat ehr Größing an Aram Chatschaturjan (1903-1978) frünnt hett, denn Komponisten von denn weltbekannten „Säbeldanz“ ut sien Ballett „Gayaneh“.

Behrend Böckmann (73)

ist Niederdeutsch-Autor.

Für die OSTSEE-ZEITUNG schreibt er plattdeutsche

Texte.

Nådem dat dei Sowjetunion wedder uteinanner föll, keemen dei Öllern taurüch up’e Krim, von wo ut 1944 denn Vadder sien Grotmudder nå ’n Order von Stalin nå Middelasien ümsiedelt wür. In’t Grundschaulöller kümmt Susana as sunnitisch Muslima up’e Krim an, geiht dor taun Musikschaul, singt mit nägen Johr all vör ’n Publikum dei iersten Leeder. In Kiew lött’s sik taun Opernsängerin utbillen, schrifft sik denn sülben Texte, måkt dei Noten dortau, lött denn Operngesang susen un wennt sik denn Popgesang tau un is von nu an dei Popsängerin „Jamala“.

As Jamala will sei 2016 nå Stockholm tau denn ESC. Sei ward utwählt un will dor ehr Leed „1944“ vördrågen, dat’s all 2014 schräben hett. Dit Leed hannelt von dat, wat man ehr œwer dei Utwiesung von ehren Vadder sien Grotmudder vertellt hett. Dormit gütt sei Wåder up dei Mœhlen von all dei Krimtataren un Ukrainer, dei sik hüt twors nich mihr vör Stalin ängstigen mœten, œwer doch wägen Putin dei Büxen bäwern. All dei Länner-Kannedaten wiesen in Stockholm, wat sei kœnen un so kümmt dat, dat dei Jury Jamala gliek achter denn Russen Sergey Lazarew plazieren deit. Œwer dei Fiernafstimmung („Televoting“) dörch Tauhürer un Taukieker föllt so ut, dat nu dörch gaude Räknerie Jamala dei Winner von Stockholm ward. Nu mœt nich wohr warden, wat dei Baas von’t ukrainsch Kiekschapünnernähmen ankünnigt harr: För denn Fall, dat Russland Winner ward, wür dei Ukraine bi’n neechsten ESC utsetten.

Un Jamala kriecht ein Gratulatschon nå dei anner. Poroschenko låwt sei as dei unkrainsch Stimm’, dei dei Wohrheit inne Welt utposaunt, Burmeister Klitschko lött Jamala ut Kiew weiten, dat hei ümmer an sei glöwt hett, Butenminister Klimkow dankt, dat’s dei Wohrheit sungen hett un dat dei Krim unkrainsch is. Regierungsbaas Groisman gifft tau verståhn, dat Jamala mit ehr Leed dei Ukraine tau Ihr un Anseihn bröcht hett.

Nu gaut, mit denn düütschen iersten Platz von achtern is kein Staat tau måken, œwer wier’t anners kåmen, wat harrn wull blot uns Polletikers måkt, dei süss ok giern mal bi’n Fautballspät för Upseihn sorgen?

OZ

Mecklenburg-Vorpommern, Sachsen-Anhalt und Sachsen wollen zusammen den iranischen Markt erkunden und schicken eine gemeinsame Wirtschaftsdelegation in das Land.

26.05.2016

Kinderschutzbund spricht von Skandal / Grevesmühlen kein Einzelfall / Linke fordert zusätzliche Stellen

26.05.2016

Die 36-Jährige gehört zu den vier Moderatoren, die für das Erste über die Wettkämpfe in Brasilien berichten

26.05.2016
Anzeige