Menü
Ostsee Zeitung | Ihre Zeitung aus Mecklenburg-Vorpommern
Anmelden
MV aktuell Niemodsche plattdütsche Literatur nödig
Nachrichten MV aktuell Niemodsche plattdütsche Literatur nödig
Partner im Redaktionsnetzwerk Deutschland
00:01 02.06.2016

Tau sien 26. Johrestagung (Gründnung: 22.02.1990) harr dei Vörstand von’n „Bund Niederdeutscher Autoren“ (BNA) för Mäkelborg-Vörpommern un dei Uckermark sien Mitglieder in’t Fritz-Reuter-Literaturmuseum nah Stemhangen inlad. As wichtigsten Punkt sett’en dei Schriewerslüd dorbi dei Rutgaw von Bauk XII, „Plattdütsch Blaumen“, up ehr Tagesordnung.

Von ehre Anthologie „Plattdütsch Blaumen“ hebben dei Platt-Autoren bether elben Bäuker rutgäben, nu sall dat „Paradepierd“ von’n BNA üm einen Band rieker warden. Dat is för einen lütten Verein (25 Mitglieder) nich licht, alle twei Johr einen niegen, illustrierten Band up’n plattdütschen Bäukermarkt tau präsen-tieren. Dor hürt väl Krasch un ok orrig wat an Finanzen tau.

Oewer dei BNA hett in sien Satzung as ierst Verein in uns’ Bundesland nah dei Wend ein wichtig Upgaw in sien Satzung verankert: Dei Pläg von uns’ Muddersprak! Dat wier för sien Schriewerslüd in dei Johren bet hüt dei Richtschnur un ward dat ok tau-künftig sin. Dormit hett dei BNA oewer ok ein grot Verantwurdung oewernah-men, denn wi könn’n, wenn’t üm Plattdütsch in uns’ Bundesland geiht, nich blot ümmer wedder up Reuter, Brinckman orer Tarnow trügg griepen. Wenn wieder-hen up Platt schräwen Bäuker läst warden sall’n, denn möt dorför ok niemodsche plattdütsche Literatur prat stahn, Literatur, dei ok Kinner un dei ehr Öllern giern eins läsen! Dat dei Autoren von’n BNA dorbi up’n richtigen Weg sünd, wiest dei „Fritz-Reuter-Literaturpries“, mit denn’ dei Schriewerslüd 2011 för Bauk X, „Plattdütsch Blaumen“ utteikend worden sünd! Un wenn S’ in twei Mand eins in ’n Bäukerladen rinkieken, denn warden S’ dor säker „Pattdütsch Blaumen“ Bauk XII finn’n – un denn väl Spaß bi’t Läsen!

OZ

Wann Informationen nach Delikten gelöscht werden, bleibt offen / FDP spricht von einem „Schnüffelstaat“ / Grüne kritisieren Lücken beim Thema Korruption

02.06.2016

Geringverdiener froh über billige Milch / Mehrheit der Leser fordert Preise, von denen die Bauern leben können

02.06.2016

Junge Union fordert Stelle für abgehängte Regionen

02.06.2016
Anzeige