Volltextsuche über das Angebot:

23 ° / 12 ° Regenschauer

Navigation:
Besäuk bi een Schriewersfru

Besäuk bi een Schriewersfru

Dat gifft ümmer wedder Beläfnis’, de möt ik mien Fründ Hannes vertellen. Ok nah een Besäuk bi een oll Rostockerin. „Wo büst west?“ frög mi Hannes, as hei bi mi inflög.

Voriger Artikel
Streit um junge Flüchtlinge in Rostock eskaliert
Nächster Artikel
Fünfjähriger von Auto erfasst

Ilse Frentz hängt an der plattdeutschen Dichtung.

Quelle: Jürgen Falkenberg

Dat gifft ümmer wedder Beläfnis’, de möt ik mien Fründ Hannes vertellen. Ok nah een Besäuk bi een oll Rostockerin. „Wo büst west?“ frög mi Hannes, as hei bi mi inflög. „Ik heff Ilse Frentz besöcht“, sech ik. Un ik vertell.

Väl schräben is all œwer „Ille“. Dat sei nu 93 is, dat sei twei Sœhns, fief Enkel un vier Urenkel hett, dat ehr Otto, den’n sei 1946 heurat hett, all 1973 gahn is: dat weit ja fast jederein. „Ik bleef alleen, heff väle Frünn. De plattdütsch Sprak wier mien Holt“, secht se mi. „Hest Plattdütsch all mit de Muddermelk insagen?“ heff ik se fråcht. „Ille“ lacht: „In Bernitt bün ik as letzte von söss Gören burn. In’n Reuterkraug von Großvadder un Vadder geef dat ok plattdütsch Theater ’nur för sick’. Unkel Wilem hett de Stücken schräben, so ’De Reiseunkel’. Wi Kinner müßten bet tau’n 14.

Johr hochdütsch snacken.“ Dornah lierte sei Plattdütsch. Un füng an to dichten.

Een Ordner up den’n Disch: Olle Fotos un dat ierst Gedicht von ehr. Nu sünd dat wiet miehr as 20 Ordner mit ehr Gedichte un Geschichten. Se säd mi: „Dat Dichten is denn ganzen Dag bi mi“.

Von Bernitt wech. „Rostock wier mien Sehnsucht“. Un se schrift: „In ganz jungen Johren hett dei Wind mi her weiht. Hier heff ik erfohren, wie gaud Rostock deiht. Hier durfte ik läben, un hier fün ik Holt. Hier bün ik bläben un hier ward ik old“. So is’t kamen, all 70 Johr. Bank- un Handelkopfru is sei west, Theater un Kabarett hett se spält. Texte für „Kringelgraben“ un „Warnowströpers“ von ehr, so wie hüt vör dat „Maandenbladd“. De Verein „Klönsnack-Rostocker 7“ hett sei för ehr Plattdütsch mit Hart un Humor to’n Ihrenmitglied makt. Hannes gesteiht, dat he ehr drei Bäuker noch nich läst hett. „Ward nahhalt“. Un wi wünschten „Ille“, dat sei noch väle gaude Gedanken tau Papier bringt. „Nu lat uns eenen gauden Druppen up „IIle“nehmen“, secht Hannes. So makten wi dat.

OZ

Voriger Artikel
Nächster Artikel
Mehr aus Rostock
Verlagshaus Rostock

Richard-Wagner-Straße 1a
18055 Rostock

Öffnungszeiten:
Montag bis Freitag
9.00 bis 18.00 Uhr

Leiter Lokalredaktion: Andreas Meyer
Telefon: 03 81 / 36 54 10
E-Mail: rostock@ostsee-zeitung.de

Städtewetter
Heute -° / -° -
- -°/-° -
- -°/-° -
RSS-Feeds

Wissen, was in Rostock und der Welt los ist

OZ-Bild
„Plötzlich wurde mir schwarz vor Augen“

Großeinsatz in Kühlungsborn: Jugendliche liegt nach Schwäche- anfall bewusstlos im Stadtwald. GPS-Signal sendet Aufenthaltsort.