Volltextsuche über das Angebot:

20 ° / 15 ° wolkig

Navigation:
Ne gruglich Geschicht

Ne gruglich Geschicht

Ik heff mien Fründ Hannes ’ne Tiedlang nich seihn. Nu flög he bi mi in un vertellt mi von een gruglich Geschicht, de he in Harfst utlöst hett. „War hest för Mallür anricht?“ frög ik em.

Ik heff mien Fründ Hannes ’ne Tiedlang nich seihn. Nu flög he bi mi in un vertellt mi von een gruglich Geschicht, de he in Harfst utlöst hett.

„War hest för Mallür anricht?“ frög ik em. Un Hannes vertellt. Dor is he doch an een Sünndag taun Frühschoppen in sien Eckkneip gahn. Sien Helga, wat sien angetrucht Deern is, hett em – tähngnirschend – gahn laten. „Ik heff mi bannig een achter de Görgel lopen laten“, secht mi Hannes. „Ik kam trüüch up mien Hoff, vörbi an’ Häunerwiem. Dor lopen mi doch twei von mien Häuhner vör de Fäut. De wrackelten von een Siet na de anner. Un dat leech nich an miene Perzente“, versichert Hannes und: „De sünd krank“ schött mi dat dörch denn Kopp. Un Hannes secht mi, dat hei retten wull, wat to retten is. He greep de Häuhner un ok dat Hackebiel un rupps, har he ehr de Köpp afhaugt. Un denn güng he af tau Helga in de Köck. „Kannst noch ne goode Supp ut maken bevör se verdarben. De sünd beten krank un ik heff se erlöst“, lecht hei ehr dat kopplose Veih up denn Disch.

„Woans kannst du Dœmel un’s gesun’n Häuhner dot måken“, kreeg Hannes an denn Kopp ballert. „De wiern krank, de wankten blots noch rümmer“, künn Hannes blots seggen. „De Häuhner wiern so besapen as du dat büst. Un dor büst du schuld an“, röppt Helga. „Woans ik?“ fröcht Hannes trüch. „Du erinnerst di an’t Saftmaken för denn Wien. Un du wierst fuul un hest dat Utgequetschte blots unner de Trepp aflecht un nich wechbröcht. Ik heff dat nu up denn Hoff schmäten un de Häuner hemm von freten. Dat Tüch wier all gärich un dorvon sünd se dun worden“, fohrt Helga Hannes an.

Hannes secht mi denn åwer, dat sien Helga em nu åwer wedder gaud is un dat de Häuhnersupp gaud schmeckt hett. „Hest je ok ne gaude Deern“, meen ik un schenk us een Lütten in. „Lat us up dien Helga un dien annern Häuhner drinken.“ So keem dat denn ok.

OZ

Voriger Artikel
Nächster Artikel
Mehr zum Artikel

Francis Rossi über den späten neuen Sound von Status Quo und den Bandausstieg von Rick Parfitt

Kostenpflichtiger Inhalt mehr
Mehr aus Rostock
Verlagshaus Rostock

Richard-Wagner-Straße 1a
18055 Rostock

Öffnungszeiten:
Montag bis Freitag
9.00 bis 18.00 Uhr

Leiter Lokalredaktion: Andreas Meyer
Telefon: 03 81 / 36 54 10
E-Mail: rostock@ostsee-zeitung.de

Städtewetter
Heute -° / -° -
- -°/-° -
- -°/-° -
RSS-Feeds

Wissen, was in Rostock und der Welt los ist

OZ-Bild
„Familientreff“ der Baseballer: Bucaneros werden Zweiter

Rostocker veranstalten mit Jolly Roger Cup größtes Turnier in MV