Menü
Ostsee Zeitung | Ihre Zeitung aus Mecklenburg-Vorpommern
Anmelden
Greifswald Alls tau siene Tiet
Vorpommern Greifswald Alls tau siene Tiet
Partner im Redaktionsnetzwerk Deutschland
00:00 02.07.2016

Wi wieren up Schippsfohrt up Rhein un Mosel.Von't Schipp würden däächlich Utflüg mit unsen Begleitbus makt. För dei Besichtigungen in Urte un Städt' bleew männigmal nich tauväl Tiet. So wieren wi in Trier, güngen mit eenen Stadtführer dörch dei Straaten, bet wi tau dei Porta Nigra keemen. Dor wull ik noch fix een Foto maken un leep na eene Stell, wo ik dei Porta gaud in't Bild kreech. Wiel alls 'n bäten ielig wier, keem ik in't Stolpern un schlööch hen. Glieks keem een Mann, hülp mi up, un wi seegen, dat mi Blaut von Arm un Hand runnerleep. Dei Mann, een Polizist in Urlaub, halte eenen Verband rut, lechte den üm Hand un Arm un reep mi't Handy eenen Rettungswagen. Dei keem ok glieks, un dei Sanitäter säd, dat sik een Dokter dei Wunnen ankieken mööst. Miene Fru un dei Schipps-Reisleiterin wieren trööchkamen. Dei Rettungswagen führte mi denn tau dei Notupnahm in eene Klinik. Mien Fru un dei Reisleiterin führten mit, wobi dei Reisleiterin   mit't Handy Verbinnung tau dat Schipp upnehm, dat in eene Stunn' afleggen süll.

In dei Klinik keek sik eene Doktersch dei Wunnen an, röntge dei Hand, dei intwischen dick worden wier. Ik drängte wägen dei Schippsaffohrt tau Iel. Dei Doktersch lechte denn dei Hand un den Unnerarm in Gips. Sei makte noch eenen Verband bet hoch an den Oberarm, wiel dor ok bläudige Afschürfungen wieren. So entleet sei mi denn 'n bäten unfründlich, wiel ik so tau Iel drängt harr. Wi reepen een Taxi, dat uns tau dat Schipp bröchte, wo man all up uns täuwte. Dei Landungsbrügg würd hinner uns intreckt, dat Schipp lechte fast pünktlich af un führte los. Dat alls güng an unsen letzten Schippsfohrdach vör sik. An'n neechsten Dach güng dat denn mit den Bus na Grypswold trööch. Dor behannelte mi mien Chirurg wieder.

Sietdem lat ik mi Tiet. Tau glöben, keene Tiet tau hemm, kann licht dortau führen, dat man achterher mihr Tiet brukt. Deswägen sech ik: „Lat di Tiet för eenen Blick taun Häben, up dat Wader, in dat wiede Land, lat di Tiet för een Gedicht, een schönes Bild, een Stück Musik, lat di Tiet för diene Familie un gaude Frünn', lat di ümmer 'n bäten Tiet an jeden Läbensdach.“

OZ

Der Greifswalder Ronny Schmietendorf (36) wurde gestern für seine Zivilcourage geehrt / Mitte Juni stellte er einen Räuber auf der Flucht

02.07.2016

Fußball-EM: Deutschland muss gegen Italien gewinnen, sonst endet das Vergnügen auf der Festspielwiese

02.07.2016

Der Kreiswahlausschuss lässt alle Vorschläge für Urnengang am 4. September zu

02.07.2016
Anzeige