Menü
Ostsee Zeitung | Ihre Zeitung aus Mecklenburg-Vorpommern
Anmelden
Greifswald Bloots so
Vorpommern Greifswald Bloots so
Partner im Redaktionsnetzwerk Deutschland
00:00 21.05.2016

Ümmer wedder hüürt un läst man, dat dat tau Schlägerien unner Jugendliche kümmt. Dor geiht dat oftmals üm Geld orrer Handys. Dat föddern dei eenen, dei anner will dat över nich afgäben. Un wenn hei weder Geld noch Handy hett, ward trotzdem tauschlau. Mihrstendeils sünd Alkohol un Drogen in'n Späl. Achterher is dat Dilemma groot. Körtlich heff ik eenen Krimifilm seihn, dei dei taunähmende Brutalität in uns Gesellschaft düdlich makt. Dor ward een Jung mit eenen Geigenkasten afsichtlich in eene Schlägerie verwickelt un starwt letztendlich an dei Folgen. Een Kriminalist, dei ingrippt, ward vör eenen infohrenden S-Bahn-Toch stött. Dei överrullt em middlings, so dat hei wedder vörkrabbeln kann, licht blessiert. Dei Jugendlichen un besünners dat Mäten beschülligen den Jungen mit den Geigenkasten, den Striet anfängen tau hemm. So vertellt dat Mäten, dat dei Jung sik näben ehr sett't hett un allmählich taudringlich worden wier un siene Hand unner ehren Rock schoben un sei begrappelt harr. Sei beschülligte noch ehren Vadder, sei sexuell mißbrukt tau hemm, so dat sei besünners empfindlich wier. Dei eene Jung, den sei ut dei Schaul kennen deed, wier ehr tau Hülp kamen.

Woso dei Polizist unner dei Bahn kamen wier, künn sei nich seggen. All wiesten dei Schuld an den Striet von sik un schöben alls up dat Opfer.   Un denn fünnen dei Kriminalisten eenen Handyfilm, den dei tweite Jung makt un in't Netz stellt harr. Un dor seech alls ganz anners ut.

Dat Mäten harr den Geigenkasten-Jung anmakt, dei sik dorgägen wehrte. Denn greep dei anner Jung in un tausaumen mit dat Mäten schlögen sei dat Opfer tausamen. Dat Mäten harr denn noch den Kommissar vör den infohrenden Toch schubst. Uterdem mööste dat Mäten taugäben, den sexuellen Mißbruk von ehren Vadder erfunnen tau hemm. Wenn dat Video nich funnen worden wier, harrn dei Täter sik wieder as Opfer dorstellen künnt. Wi verkamen mööten disse Jugendlichen sien, wenn sei „bloots so“ een Opfer utsäuken, dat sei denn so tausamenschlan, dat dat starben deit. Un wat daun dei politisch Verantwurdlichen? Sei appellieren an dei Vernunft, över in'n överdragenen Sinn mööt man seggen:

„Es ist besser, Deiche zu bauen, als darauf zu hoffen, daß die Flut allmählich Vernunft annimmt.“

OZ

Förderverein unterstützt Vereine mit über 6000 Euro

21.05.2016

Ab der kommenden Woche gilt in einigen Straßen Tempo 30 zwischen 22 und 6 Uhr.Verkehrslärm gefährdet die Gesundheit.

21.05.2016

Bau auf dem Campus Loefflerstraße verzögert sich um elf Wochen

21.05.2016
Anzeige