Menü
Ostsee Zeitung | Ihre Zeitung aus Mecklenburg-Vorpommern
Anmelden
Greifswald Dei Automat
Vorpommern Greifswald Dei Automat
Partner im Redaktionsnetzwerk Deutschland
00:00 29.03.2014

Mien Gordenfründ Heiner vertellte mi, dat hei von sienen Geld-Automaten nagelniege Fiefmarkschiens krägen harr: „Dat is doch gaud, wedder eis 'schönes Geldpopier' in dei Hand tau kriegen. Tauierst heff ik sei noch nich utgäben. Dorför wieren sei mi tau schad. As wi denn in'n Urlaub unnerwägens wieren, wull ik ut eenen Automaten Bahn-Fohrschiens halen, stäkte eenen niegen Fiefmarkschien in den Schlitz, un ... dei keem wedder trööch. Ik versöchte dat denn noch tweimal, över den Schien kreech ik ümmer wedder.“ Ik säd: „Dat wier een 'gauder' Automat, dei wull nich, dat du 'geldarm' würdst.

Över sech eis, woso wulln ji mit dei Bahn führen, wo ji doch mit't Auto unnerwägs wieren?“ Heiner meinte: „In'n Urlaub laten wi dat Auto giern stahn, un wi wannern. Över af un an sünd wi so wiet wannert, dat uns dei Trööchwech tau lang wier un wi dei Bahn benutzen wulln.“ Ik frööch: „Wat hest du denn makt, üm doch noch tau Fohrschiens tau kamen?“ „Ik heff eenen Teigenmarkschien nahmen, un den nehm dei Automat. Un ok dat Wesselgeld geew hei trööch“, antwurd'te Heiner.

Mit dei Fohrkorten-Automaten is dat överhaupt so eene Saak. In eenen früheren Pfalz-Urlaub harrn wi eene längere Wannerung vörseihn un beschlooten, mit dei Bahn trööchtauführen. Wiel up dei lütten Bahnhöff dat Personal afschafft worden wier, geew dat bloots noch Automaten. Dei Anwiesungen dorför wieren recht ümfangriek. Wi wulln Wochenend-Fohrkarten hemm un bemäuchten uns, na dei Anwiesungen vörtaugahn un drückten dei entspräkenden Knööp. Nicks passierte. Dei Automat wull uns keene Fohrkorten verkööpen. Wi „studierten“ dei Anwiesungen noch eis akkerat un drückten Knoop up Knoop.

Fohrkorten geew dei Automat nich her. Wi drückten denn up Geld-Rückgaw un kreegen uns Geld wedder. Intwischen wieren Einheimische kamen un harrn uns amüsiert taukäken. Denn keem eene forsche Fru, nehm unsen Geldschien, drückte up mihrere Knööp, un dei Automat spuckte dei Fohrkorten ut. Wi bedankten uns, un ik säd: „Woran hett dei Automat markt, dat Sei hier tau Huus sünd?“ Dei Fru griente bloots un meinte: „Dat is äben een Automat bloots för 'Einheimische'.“ Erfolg besteiht äben dorin, dat man dei Fähigkeit hett, dei „in'n Moment“ brukt ward.



OZ

Acht Millionen Euro sollen Wellness-Oase, riesige Caravan-Stellplätze und Einkaufsdorf kosten.

29.03.2014

SPD des Kreises hofft in ihrem Kampf gegen den Gewerbehafen auf Unterstützung der Landesregierung.

29.03.2014

Mitarbeiter der Biologischen Station haben mit der Beringunge der Zugvögel begonnen.

29.03.2014
Anzeige