Menü
Ostsee Zeitung | Ihre Zeitung aus Mecklenburg-Vorpommern
Anmelden
Greifswald Dei „Greif“
Vorpommern Greifswald Dei „Greif“
Partner im Redaktionsnetzwerk Deutschland
00:01 26.03.2016

As den DDR-Präsidenten Wilhelm Pieck dat Sägelschipp schenkt würd, hett hei dat an dei GST-Seesportschaul in Wieck-Eldena wiedergäben. Dat Schipp kreech den Namen „Wilhelm Pieck“ un würd Utbildungsschipp för den GST-Seesport. So hemm von dei Tiet an väle See-Sportler dorup ehre Utbildung makt. Ik erinner mi, dat eene Fründin von mien Fru ut Sachsen tau Liehrgäng in Grypswold wier un mit dat Schipp up'n Bodden rutsägelt is. So is dat Schipp för väle junge Lüüd tau eenen fasten Begriff worden un is mit dei Stadt eng verbunnen.

Na dei Wend geew dat een grootes Hen un Her. Dei eenen wulln dat Schipp för uns Stadt erhollen, dei annern wulln dat verkööpen. Letztendlich bleew dat Schipp Egentum von uns Stadt un kreech den Namen „Greif“. Dat Schipp süll över „wirtschaftlich“ führt warden. So würden näben eene Stammbesatzung Mitfohrer brukt, dei mit „Hand anlechten“ un dei Besatzung verstärkten. Utfohrten würden in't Programm upnahmen un drögen tau'n Erholt von dat Schipp bi. Letzt Johr is över dei noch vörhann'ne Geldreserve upbrukt worden, un dat Schipp is up Tauschüsse anwäsen. Tau Tiet licht dat Schipp in Rostock, wiel dat sienen Liegeplatz in Wieck wägen dat Sperrwark verlaten mööst. Bi dei Planung harr dei Dörchfohrt noch dei rechte Hööch. Denn keem dat bi dei Schleusenduure tau Verännerungen, so dat dei Dörchfohrtdeip geringer würd, so dat dei Greif nich mihr dörchführen künn. Nu hofft man up technische Verännerungen, dormit dei Greif wedder ehren ollen Liegeplatz innähmen kann.

Dei Grypswolder Werner Nikolay, dei siet Johr un Dach Modellschipp bucht, hett in'n Maßstab 1:50 ok dei Schonerbrigg „Greif“ bucht. Dei Modelle stünnen johrelang in siene Wahnung. Nu hett hei dei Schonerbrigg as Geschenk an dat Pommersche Landesmuseum övergäben. So warden dei Grypswolder un ehre Gäste dei „Modell-Greif“ in eene Duurutstellung begrüßen un dei kunstvulle Arbeit von Werner Nikolay bewunnern koenen. In dat Schipp speigelt sik een Stück Grypswolder Geschicht wedder. Övrigens sünd anner Schippsmodelle in'n Wolgaster Museum tau finnen.

Werner Nikolay kann stolt sien up siene akkerat un maßstabsgerecht buchten Modellschippe, dei nu för eene breide Öffentlichkeit taugänglich sünd.

OZ

Wer hat an der Uhr gedreht?

26.03.2016

Knapp 3900 Menschen im Amtsgerichtsbezirk Greifswald hatten laut Statistik Ende 2015 einen Betreuer.

26.03.2016

Greifswalder Handchirurgen retten einem Loitzer Familienvater nach einem Kettensägenunfall die Hand

26.03.2016
Anzeige