Menü
Ostsee Zeitung | Ihre Zeitung aus Mecklenburg-Vorpommern
Anmelden
Greifswald Dei Tieden Loop
Vorpommern Greifswald Dei Tieden Loop
Partner im Redaktionsnetzwerk Deutschland
00:04 26.04.2014

„Die Zeit ist aus den Fugen“ heit dat in Shakespeares „Hamlet“. Dat twintigste Johrhunnert hett uns in twei Weltkriege führt („Für Kaiser, Gott und Vaterland“ un „Für Führer, Volk und Vaterland“).

Övrig bläben sünd an't End jewiels Trümmer, Elend un Not un Övermillionen von Doden. Un ok in't eenuntwintigste Johrhunnert erläben wi eene Welt in Upruhr. Dei „Teiken von dei Tiet“, von dei schon dei Bibel räd't, warden överseihn orrer falsch utlecht. Dorbi „entflieht die Zeit, die Zeit entflieht unwiederbringlich“, as dei römische Dichter Vergil (70 bet 19 v.d.Tr.) schrifft. Jo, dei Tiet löppt von eene Kris in dei anner. Nu hemm wi dei Ukraine-Kris, un glieks hemm sik dei USA- un Europapolitiker up'n Wech makt, üm ierst dei Rebellen un denn dei Övergangsregierung tau unnerstütten.

Dat sei dormit Rußland in dei Quer kamen sünd, wier vöruttauseihn. Dat Ergäwnis is eene verluur'ne Krim un dei Gefohr von gröttere Uteenannersettungen twischen West un Ost. Dei gägen Rußland verhängten Sanktionen wägen Völkerrechtsbruch sünd een ierster Schritt. Gahn wi eis trööch, wo överall dat Völkerrecht broken worden is, un dat bet in dei jüngste Tiet. Dei USA hemm sik „dat Recht“

namen un ok Israel hett sik „sien Recht“ nahmen. Sanktionen hett dat nich gäben, bloots Appelle un Resolutionen. Wenn twei datsülbe daun, is dat äben nich datsülbe. Kloor, Völkerrechtsbruch is Völkerrechtsbruch, över man mööt mit een Maat mäten. In Vietnam sünd dei Amerikaner scheitert, in Afghanistan verlaten Amerikaner un Europäer in korte Tiet dat Land, ahn dat dei Taliban besiegt sünd un dat Land in Fräden läben kann. In'n Irak künn twors dei Diktator besiegt warden, över in'n Land bekämpfen sik nu Schiiten un Sunniten, un äbentau kamen Minschen üm't Läben. Ok in Lybien is keene Rauh inkiehrt, un dat gifft ümmer wedder Kämpfe. Dei USA un Europa willn dei Länner „demokratisieren“ mit väle egene Opfer, över sei hinnerlaten sei „unbefriedet“. Nu geiht dat üm dei Ukraine. Dei Krim is verluurn, un dei Laach is kritisch. Wi all sünd bedeiligt, denn uns Stüürgeld ward brukt. Machtpolitik tahlt sik up beide Sieden nich ut.

Dei Philosoph Karl Jaspers (1883 - 1969) meint: „Macht hat ihre Legitimität nur im Dienste der Vernunft.“



OZ

Abrechnung von Fördermitteln ist fehlerhaft. Die Verwaltung sieht den ehemaligen Sanierungsträger in der Verantwortung — und prüft rechtliche Schritte.

26.04.2014

Die Wohnungsbau-Genossenschaft Greifswald (WGG) feierte gestern für ihr neues Projekt „Lebenskreis“ Grundsteinlegung.

26.04.2014

(29) ist der jüngste Kreistagskandidat der AfD in Vorpommern-Greifswald. Der angehende Steuerfachangestellte sieht im Landkreis große finanzielle Probleme.

26.04.2014