Menü
Ostsee Zeitung | Ihre Zeitung aus Mecklenburg-Vorpommern
Anmelden
Greifswald Een Alldach
Vorpommern Greifswald Een Alldach
Partner im Redaktionsnetzwerk Deutschland
00:01 14.10.2017

Dat wier hüüt een ganz normaler Dach, un doch wier dat een erfüllter Dach. Gägen 6.30 stah ik up un gah in’t Bad. Wenn ik dor farig bünn, geiht mien Fru in’t Bad, un ik mak dat Frühstück (Tee, Brot, Bodder, Wust, Marmelade un af un an een Frühstücksei. Denn heff ik eenen niegen Text för dei Ostsee Zeitung schräben, wieldes mien Fru läst hett. Hüüt hemm wi Meddachäten von dei Wusterhusener Gaststätt „Kiek in“ krägen, un twors „Hähnchenbrustfilet auf Gemüsesoße mit Salzkartoffeln“. Wi hemm uns dortau noch Wördel ub Arften makt. As Nadisch geew dat „Fruchtjoghurt“. Äten hemm wie Klock 11.30. Wenn ik dat Geschirr afwascht heff, hett mien Fru alls afdröcht un in’t Schapp stellt. Denn wier Tiet för dei Meddachsrauh. Nameddachs wier denn Kaffee- (mien Fru) un Tee (ik) -Tiet.

Gewöhnlich kieken wi uns dorbi eene Natur- orrer Geschichtssendung in’n Fiernseihn an. Hüüt geew dat eenen Film över dat End von dat „Pharaonen-Riek“. Doröver hemm wi uns denn unnerhollen.

Bi’t letzte Uprüümen hemm wi een Bauk wedderfunnen, dat uns vör einige Tiet schenkt worden is „365 Glücksmomente“. Jeder Dach hett dor eenen Glücksspruch. Wi hemm twei dorvon utsöcht, as „Denn dei Glück, geliebt zu werden, gleicht kein anderes Glück auf Erden“ (Johann Gottfried Herder) un „Wohl dem, der einen warmen Iglu, Öl in der Lampe und Frieden im Herzen hat“ (Eskimo-Wiesheit). Wi hemm uns mit dei beiden Sprüch beschäftigt. Dorbi sünd wi övereen kamen, dat dat een grootes Glück is, leiwt tau warden un wedder tau leiwen. Dat makt dat ganze Läben heller un schafft Taufrädenheit. Un dei Eskimo- Spruch? Dei hett uns sihr gefollen, wiel hei up een gaudes Läben un up Tausamenholt wiest. Man brukt egentlich gor nich all dat, wat uns däächlich inräd’t ward. Körtlich hemm uns Lüüd in’n Fiernseihn wiest, woans man ok uterhalf von dei groote Welt glücklich sien kann. Man mööt sik bloots dorup inlaten. Na Klock 18.15 hemm wi denn tau Abend äten un späder dei Narichten in’n Fiernseihn ankäken. Denn stünn noch een Film „Expedition ins Tierreich“ in’n Programm.

Üm Klock 22.30 hett sik mien Fru up dei Nacht vörbereid’t un ik na ehr. So wier een ganz normaler Dach vergahn.

„Bejahe den Tag, wie er dir geschenkt wird.“ (Antoine de Saint Exupery)

OZ

In Mesekenhagen kollidierten zwei Pkw / 8000 Euro Schaden

14.10.2017

In Vorpommern-Greifswald haben Fusionen Seltenheitswert / Amt Landhagen ist große Ausnahme

14.10.2017

Manuela Schwesig (SPD) schickt ihren Sohn auf eine freie Schule und alle fallen über sie her. Warum eigentlich? Eine Reise zu Vorpommerns Privatschulen.

14.10.2017
Anzeige