Menü
Ostsee Zeitung | Ihre Zeitung aus Mecklenburg-Vorpommern
Anmelden
Greifswald Grusel- Clowns
Vorpommern Greifswald Grusel- Clowns
Partner im Redaktionsnetzwerk Deutschland
00:00 05.11.2016

Wi olt mööt man egentlich warden, üm ümmer wedder niege (gefährliche) Blödheiten tau erläben. As ik taun iersten Mal von dei Grusel-Clowns läst heff, dachte ik an een poor Spinner, dei mit ehre Tiet nicks antaufängen wüßten un dat dei Spuk fix een End nähmen würd. Intwischen is mi kloor worden, dat dei ganze Angelägenheit tau eene gröttere Bewägung anwossen is. In dei verschiedensten Uurte träden dei Clowns up un sünd ok gefährlich worden.

Sei jagen dei Minschen nich bloots Schrecken in, sünnern bedrohen sei ok mit'n Metz un schlan mit Baseballschläger tau. Kloorewies kamen dei Grusel-Clowns ut Amerika un hemm dor ehren Anfang nahmen.

In anner Länner, so ok in Dütschland, ward „sowat“ fix upgräpen. Dei Clowns sünd schwer tau griepen, obwoll sei doch sihr upfällig kleed't sünd. Dei Innenminister Caffier meint, dat jeedeen „Schreckensangriff“ strooffällig is, ok wenn keen direkter Angriff gägen eene Person erfolgt.

Mien Gordenfründ Heiner meinte: „Dat's keen Späl mihr. As wi Kinner wieren, hemm wi uns gägensiedig eenen Schreck injagt. So sünd wi plötzlich ut'n Busch sprungen, över nich verkleed’t, sünnern as Klaus, Fritz, Hans. Över dat wier een Späl, un wi wüßten, dat eener von uns unvermaud't hinnern Busch vörkamen deed, wenn ok nich wecker. Wi möösten raden, un wecker den richtigen Namen nennen deed, kreech eenen Punkt. Bi teigen Punkte an'n Dach, geew dat eenen sülfst bastelten Spälorden. Af un an spälten wi ok 'In Versäukung führen'. Wi nehmen een Portemonnaie, makten dat an een dünnes fastes Band fast un lechten dei Geldtasch up den Börgerstieg. Wi legen mit dat Bandend hinner eenen Busch un beobachteten dei Lüüd. Manche güngen achtlos vörbi, anner keeken sik ierst vörsichtig üm un wulln denn fix taugriepen. Wi treckten dei Geldtasch över rechttiedig wech. Weck güngen denn fix wieder, anner keeken sik wild üm un schimpten, wiel sei sik ertappt fäuhlten.“ Ik säd: „Viellicht wulln sei dei Geldtasch över bloots tau’t Fundbüro bringen.“ Heiner antwurd'te: „Möglich, över up Grund von dei Ort un Wies von ehr Verhollen, wier dat woll mihrstendeils nich dei Fall.“

OZ

Der Frauenbeirat der Hansestadt thematisiert weibliche Lebensverläufe in Ost und West / Podiumsdiskussion im Rathaus mit bewegenden Biografien und spannenden Fakten

05.11.2016
Aktuelle Beiträge Segebadenhau/Stralsund/Greifswald/Bergen/Ribnitz-Damgarten - Vermisstes Mädchen wohlbehalten gefunden

Nach der Schülerin Victoria Karge aus Segebadenhau (Landkreis Vorpommern-Rügen) wurde seit Donnerstag gesucht.

04.11.2016

26 Jahre nach der Wiedervereinigung thematisiert der Frauenbeirat der Hansestadt Greifswald weibliche Lebensverläufe in Ost- und Westdeutschland. Die gut besuchte Podiumsdiskussion Im Rathaus brachte spannende Biografien ans Licht.

05.11.2016
Anzeige