Menü
Ostsee Zeitung | Ihre Zeitung aus Mecklenburg-Vorpommern
Anmelden
Greifswald Huus- upgaben
Vorpommern Greifswald Huus- upgaben
Partner im Redaktionsnetzwerk Deutschland
00:00 09.04.2016

In dei letzten Johr keem dat tau Överleggungen, dei Schäuler weniger Huusupgaben un mihr Frietiet tau gäben. Nu stünn in dei Zeitung een Artikel mit dei Överschrift. „Am Schreibtisch büffeln statt Fußball zocken?“ Schon dei Överschrift is falsch, denn von „Büffeln“ kann kuum dei Räd sien. An Wochenenden sünd dei Huusupgaben all afschafft worden. Ok „Fautball zocken“ daun dei wenigsten, sei beschäftigen sik ihrer mit ehre Spälkonsolen un twittern in'n Internet. So hemm sei Streß nich wägen

Huusupgaben, sünnern wägen stunnenlanges „Spälen“ up ehre Konsolen orrer „Twittern orrer SMS-Schrieben“. Dat deint nich dortau, sik von dei „Schaul tau erhalen“, in'n Gägendeil. Dor sülln dei Psychologen eis ansetten un dei Späl- un Twitter-Stressoren unnersäuken. Uterdem, un doröver ward gor nicks secht, gifft dat   ok Schäuler, dei Liehrschwierigkeiten hemm un deswägen mihr arbeiten mööten as anner, dei den Stoff lichter upnähmen. Nich tau unnerschätzen is ok dei Tahl von Schäuler, dei in'n Unnerricht wenig orrer gor nich mitmaken, dei „keenen Bock“ up Schaul hemm. Wenn dei achterher tau wenig weiten, licht dat nich an Streß, sünnern an Fuulheit. Allbekannt is, dat dat eene tämliche Tahl von Schaulafbräker un äbenso von Utbildungsafbräker gifft. Wat tau denken gifft, is, dat in Grypswold an föftig Perzent von dei Liehrerstudenten dat Studium afbräken orrer dörch dei Prüfung fallen. Studienafbräker gifft dat in alle Fachrichtungen un Hochschauler un sünd tauväl.

Un denn ward föddert, dat Utbildungsniveau tau senken! Dei dat föddern, sülln taun Bispill eis tau eenen untaureikent utbil'ten Dokter gahn un sik von em behanneln laten. Wat tau wenig beacht't ward, is, dat dat in manche Fächer gor nich ahn hüüsliche Arbeit geiht, so bi dat Vokabel-Liehren in Frömdsprakken, bi Formeln in Mathematik orrer dat Schrieben von tausamenhängende Texte in Dütsch (Gägendeil SMS-Schrieben). As wi noch tau Schaul güngen, geew dat dei „Söß-Daach-Woch“, un wi harrn mihr Schaulstunnen un mihr

Huusupgaben. Dat Wuurd „Streß“ kennten wi gor nich un hemm flietig arbeit't för eenen Beruf. Huusupgaben sülln mit Oogenmaat un na Notwendigkeit upgäben warden.

OZ

Greifswalder Ehepaar feiert seine Eiserne Hochzeit

09.04.2016

Schwere Technik hinterlässt Spuren /Gartenbaufirma muss sie wieder beseitigen

09.04.2016

Sicherer Schulweg: Verkehrsminister lud zu Elternabend in besonderer Dimension

09.04.2016
Anzeige