Menü
Ostsee Zeitung | Ihre Zeitung aus Mecklenburg-Vorpommern
Anmelden
Greifswald Keene Ahnung
Vorpommern Greifswald Keene Ahnung
Partner im Redaktionsnetzwerk Deutschland
04:08 13.04.2013
Quelle: privat

Dorut kann man denn eene würkliche Erkenntnis afleiten. Wenn eener nu „keene Ahnung“ hett, denn is nich eis een „Anflug von Gedanken“ dor, hei weit also nicks. Un ut „nicks“ kann ok“nicks warden“. Un wenn dat „Nicks“ noch mit een Amt verbunnen is, denn kann dat för den „Amtsdräger“ gefährlich warden.

Mien Gordenfründ Heiner meinte: „Denn bedüd't 'keene Ahnung' also nicks in'n Kopp hemm.“ „Nee, nich ganz“, säd ik, „dat kümmt ümmer dorup an, 'wovon' man keene Ahnung hett. Taun Bispill hest du keene Ahnung von dei 'Weltruumforschung', dorför över väl Ahnung von dei 'Gordenruumforschung'.“ „Nu verstah ik di“, säd Heiner, „dei Rösler hett väl Ahnung von dei Medizin, över keene von dei Wirtschaft.

Un woso is hei Wirtschaftsminister worden ?“ „Dat is Politik“, antwurd'te ik, „dor geiht dat üm Machtposten un nich üm Fähigkeitsposten.“ „Aha“, reep Heiner, „so as bi den Verteidigungsminister von un zu Guttenberg, dei in 'sienen Film' äbentau secht 'keine Ahnung'. Ik säd: „Dei Film heit 'Der Minister', un dor heit dei Minister 'Franz Ferdinand von un zu Donnersberg' un sall eene 'Guttenberg-Satire' sien.“ „Jedenfalls“, meinte Heiner, „is dat een Film von eenen 'ahnungslosen Minister', denn so ward hei ümmer wedder beteikent. Dat geiht bi't 'Afschrieben' in dei Schaul los, sett't sik över dat 'Afschrieben bi siene Dokterarbeit' furt bet taun End, wo hei sülfst 'afschräben' ward.“ „Un dortwischen licht dei 'stännige Ahnungslosigkeit' von em“, beend'te ik dei Räd. Heiner frööch: „Woso is sien Doktervadder so ahnungslos wäst, dat hei nich markt hett, dat Guttenberg een 'gewiefter Afschrieber' wier?“ Ik säd: „In den Film spälen beid tausamen Klavier, un dei Tön verschwinnen in'n Ruum. Sien Doktervadder hett woll dei Tön nakäken un nich in dei Dokterarbeit rinkäken. Enn von un zu Guttenberg is äben as Eddelmann een Ehrenmann, un so kann dat 'Gaudachten' von den Doktervadder bloots mit een 'summa cum laude' enden. So hett hei in 'siene Ahnungslosigkeit' dei 'Ahnungslosigkeit von sinen Doktoranden von un zu Guttenberg' mit een 'höchstes Lob' bedacht.“

Wier Guttenberg rechttiedig „eene Ahnung“' tauflogen, harr dat keenen Film von eenen „ahnungslosen“ Minister gäben.

OZ

Leckere Kreationen für den Grill

13.04.2013
Greifswald Wie wir wohnen — wie wir leben: In einer Serie stellt die OZ alle Greifswalder Umlandgemeinden vor - Fast so groß wie Greifswald

Die Gemeinde Groß Kiesow mit ihren 16 Ortsteilen hat einen eigenen Kindergarten, eine Zahnarztpraxis, eine Gaststätte und 53 Gewerbetreibende.

13.04.2013

In Neuenkirchen erinnerte Autor Gerhard Dallmann an das Leben der niederdeutschen Dichterin.

13.04.2013
Anzeige