Menü
Ostsee Zeitung | Ihre Zeitung aus Mecklenburg-Vorpommern
Anmelden
Greifswald Läbensrecht
Vorpommern Greifswald Läbensrecht
Partner im Redaktionsnetzwerk Deutschland
00:00 03.02.2018

Rauh un Besinnlichkeit sünd ümmer wedder eis nödig, üm in’n däächlichen Läben tau bestahn.

Een Johannes Müller, bloots korte Tiet läwt (1794-1827), hett een Gedicht schräben, un in dei ierste Stroph heit dat: „’Ja’ heißt ein Wörtchen, das andere heißet ’Nein’, die beiden Wörtchen schließen eine ganze Welt mir ein.“ Doröver lett sik nadenken.

Üm in’n Läben tau bestahn, mööt man „Ja“ tau dat Läben, taun sien Läben seggen. Dor is een „Nein“ nich anbröcht, obwoll dat ok siene Berechtigung hett. Een grundsätzliches „Ja“ schlött een „Nein“

nich ut. Dat bedüd’t, sik nich inengen tau laten, ok „Nee“ (Nein) tau seggen, wenn Unmögliches föddert ward orrer wenn man sik dat Läben anners vörstellt. So een „Nee“ kann eenen ok mannig Arger inbringen, wenn man dat, wat von eenen erwart’t worden is, nich maken will orrer kann.

So süll ik eis in miene Schaulrektortiet as Schaulrat insett’t warden. Man glöwte, dat disse „Beförderung“ för dei Gesellschaft un mi persönlich nödig un richtig wier. As ik dat aflähnte, ok in Övereenstimmung mit mien Fru, wier man ierst enttäuscht un denn sihr argerlich. Vörgesetzte laten sik nich giern afwiesen, wenn sei sik wat in’n Kopp sett’t hemm. Ik nehm in Koop, miene Rektorstell tau verlieren, wiel ik keenesfalls in dei Administration (Verwaltung) gahn wull, sünnern in Verbinnung blieben mit Schäuler un Liehrer in’n direkten Schaulläben. Dei Gemüter hemm sik denn allmählich ok wedder beruhigt. Över in miene Beurdeilung heff ik späder läst, dat ik ahn Rücksicht (!) up politische Belange mienen egenen Wech gahn wull.

Nu an’n End von mien Läben kann ik dat mit Nietzsche (1844-1900) hollen. Dei wend’t sik in een Gedicht an dei „mäude Wordenden“. Dat Gedicht fängt an mit dei Wüürd: „Nu, da der Tag des Tages müde ward“ un richt’t sik denn an dei „Mäuden“ direkt: „Zu den Müden (will ich) sprechen: ’Ruhe nun’.“ Un disse Rauh an’n End von eenen Läbenswech is een „Läbensrecht“ för uns all.

OZ

Parlament sperrt sich weiter gegen eine Offenlegung der Schlossinsel-Pläne

03.02.2018

Kulturhaus bewirbt sich erfolgreich für ein Konzert der Festspiele MV / Gerassimez & Böhm gastieren im Juli

03.02.2018

Auch die Grünen haben nun mit Ulrike Berger eine Kandidatin benannt

03.02.2018
Anzeige