Menü
Ostsee Zeitung | Ihre Zeitung aus Mecklenburg-Vorpommern
Anmelden
Greifswald Wenn't nich pollert
Vorpommern Greifswald Wenn't nich pollert
Partner im Redaktionsnetzwerk Deutschland
03:40 07.09.2013

Dei Begriff „Poller“ kümmt ut dat Nedderdütsche un heit egentlich „Klotz“. In dei Habens stahn överall Poller för dat Fastmaken von Schipp dörch Schippstau' un -trossen. Dei Poller up dei historische Wiecker Klappbrügg dorgägen sall dorför sorgen, dat bloots dei „Passierschien-Inhaber“ dei Brügg överqueren. Dat is ok lange Tiet gaud gahn. Dei Poller hett sik in den Borden senkt, wenn dei „Passier-Kort“ in den Kortenschlitz stäkt worden is, un is wedder hoch kamen, wenn dat Fohrtüüch över em wechrullt wier. Un denn sünd Lüüd, dei keene Brüggengenehmigung harrn, up dei doemliche Idee kamen, ganz dicht hinner een Passierschien-Auto hertauführen, üm so den bäten langtoegschen Poller tau överlisten. Dat güng nich lang gaud, denn so langtoegsch wier dei Poller nu ok wedder nich.

Hei fohrte hoch un spießte dat tweite Auto up, üm dat bildlich uttaudrücken. Un denn wieren Auto un Poller kaputt. Dei Poller-Reparaturen duurten ehre Tiet, un intwischen führten trotz Verbotsschild wedder all över dei Brügg. Denn harrn dei Verantwurdlichen dei „Super-Idee“ eenen „Super-Poller“ inbugen tau laten. Dortau keemen Ampeln un Överwachungskameras. So wier nu alls in'n Lot? Denkste!

Ierst klappte dat noch, un denn würd ok dei Super-Poller beschädigt un föll ut. Mien Gordenfründ Heiner meinte: „Man kann all von 'Poller-Geld' räden. Dat sünd över nich dei Innahmen, sünnern dei hogen Utgaben. Dat Wuurd 'Super' ward jo äbentau in'n Mund nahmen, un so mööst dat äben een 'Super-Poller' sien, dei denn doch nich so super wier. 'Super' heit jo 'ober, über, höchst, sehr besonders'. Nu stahn dei 'Super-Klauken' dor. Harrn sei ganz eenfach as in dei Deipgaragen Schranken anbringen laten, denn wier dat väl, väl billiger worden.“ Ik säd: „Du sechst dat, wat all väle Börger dörch den Kopp gahn is, över Super-Köpp bruken äben eenen Super-Poller. Di genügt een Huus-Gorden-Tuun mit Döör un Duur, un alls geiht per Hand.“

Heiner antwurd'te': „Dat wier bi dei Brüggenwärter früher ok so, över hüüttaudaachs mööt als 'elektrisch' sien. Dei Technik is up'n Wech dorhen, dat dei Minsch ahn sik sülfst utkümmt.“

OZ

Im Streit um Gaslecks in Wohnungen an der Ecke Arndtstraße/Burgstraße lenken die Hansestadt und die Wohnungsverwaltungsgesellschaft (WVG) ein.

07.09.2013

1Wann waren Sie das letzte Mal beim Zahnarzt? Das müsste vor etwa drei Jahren gewesen sein.

07.09.2013

Verein hat Anlage Am Strom modernisiert und der Stadt ein Problem abgenommen.

07.09.2013