Menü
Ostsee Zeitung | Ihre Zeitung aus Mecklenburg-Vorpommern
Anmelden
Grimmen Unse Kinner lihren nix mihr?
Vorpommern Grimmen Unse Kinner lihren nix mihr?
Partner im Redaktionsnetzwerk Deutschland
00:00 21.10.2017

In’e verléden Woch keem ’ne besorgliche Naricht rut: Dat Vermœgen von unse Schölers in’e vierten Klassen is noch leger worden in Matematik un Düütsch. Dit keem rut ut’n Unnersöken, wur de Kultusministerkunferenz den Updrag för géven hett. Dor ward dat Schölervermœgen in vörstellt un vergléken mit’e enzeln Bundslänner. Ok unse Schölers sünd leger worden. Wurüm is dat so?

Thorsten Filter,

Plattdeutschexperte

und Lehrer in Stralsund,

lebt in Veikvitz

Mi bedücht, dat dat in uns Bundsland tovödderst dor an liggt, dat wi dat Insluten (Inkluschon) ümsetten mütten un dat wi nich noog Lihrers hebben don. In anner Bundslänner spélt dat ok ’ne Rull, dat se vél Inwannererkinners hebben don, wat bi uns (noch?) nich so dörchkümmt.

Dat Wurd „Inkluschon“ kümmt af von dat latiensche Wurd „inclusio“, wat „Insluten“ bedüden deet, dorüm will ik dat ok so nömen. Mit dat Insluten sallen de mihrsten Kinner tohop in ENE Schol un ENE Klass gahn, normale Kinner un wecke, de ’ne besünner Hülp bruken, wieldat se wat trüg liggen don in ehr geistig un/odder lieflich Dég. Dor sitt de Idee achter, dat de Vélheid in unse Sellschopp ok in’e Schol wiest ward, dat alle Kinner de Annersheid beléven un de denn as „normal“ ansehn. Dat is de schöne Teori.

In’ne normale Klass ahn Insluten lihren vél Kinner, de al ’n verschéden geistig un lieflich Vörutsetten hebben, de den Stoff langsamer odder fixer upnéhmen un de verschéden vörbillt sünd dörch dat Öllernhus. Mit „normal“ meen ik hier, dat de Kinner ehre Intelligens in’n Dörchsnidd liggt un dat de keen dull Missbedrégen wiesen odder Liefshinner hebben. Wi Lihrers sallen alle Kinner Recht don, de swacken Stütt géven un ruphelpen, de bétern jieperig hollen un noch mihr vördrieven. Un wenn denn dor 25 Kinner sitten don, denn kœnen Ji Juug al vörstellen, dat dat al ’n grot Besweer maakt. Ji, leve Lésers, kennen dat ut’e egen Scholtied: De een lihrt fixer odder is ievriger as de anner.

Mit dat Insluten kamen Schölers in’e Klass rin, de fröher na’e Sünnerschol gahn sünd. ’n por von disse Scholen sallen noch bestahn blieven, denn wecke Schölers wieken doch to stark af. Dor arbeiden besünnere Lihrers, Sünner- un Sosjalpedagogen, de lütte Gruppen von Schölers vörstahn, dat se de béter un düchtiger afwohren kœnen. Nu kamen disse Schölers in normale Klassen rin, wur wi al verschéden Kinner hebben don. De Unnerscheden mang de Schölers warden noch grötter, de Lihrer sall noch mihr differenzieren. Œvers wenn dor Kinner in sünd mit’n stüürt Bedrégen, kann dat sin, dat de gor keen Unnerricht hollen kann. Diss’ Lihrer würd nich utbillt as Sünner- odder Sosjalpedagoog’, he kümmt dor nich mit torecht. (’n Wiederbillen an’n Wochenenn’ schafft dat ok nich.) Wenn dor keeneen is, wat Stütt géven kann, denn lihren all de annern Kinner nix, den Lihrplan is nich bitokamen. Dat Lihrvermœgen von’e ganze Klass schütt dal. Wenn wi de Tied bruken, de behinnerten Kinner to wohren, denn féhlt diss’ Tied, de annern Kinner Matematik, Düütsch usw. bitobögen. De Schölers, wat laterhen na’e hoge Schol willen, de stahn denn unnen in’e niege Klass. Denn alle Schölers, de dat Insluten nich belévt hebben, de hebben vél mihr lihrt. Ik kann bloots seggen: Dat Insluten so as dat nu löppt, is ’n dullen Verhau. Wenn alle Schölers mihr lihren sallen, denn mütt dat Insluten ’n Enn’ hebben. Nu up’n Pluz!

Würd’: Vermœgen – Leistung,

Dég – Entwicklung, Liefshinner – körperliche Behinderung

Thorsten Filter

Die Mitarbeiter der Netto-Filiale in Tribsees (Vorpommern-Rügen) sollen nach Grimmen und Richtenberg umgesetzt werden – ohne Führerschein droht ihnen aber die Arbeitslosigkeit. In Tribsees regt sich Widerstand gegen die Schließung.

20.10.2017

Elektro-Mobile sind in Grimmen noch Exoten / Autohändler: Die Kunden wollen den Diesel

20.10.2017

Kita-Knirpse aus Brandshagen feiern Herbstfest

20.10.2017
Anzeige