Menü
Ostsee Zeitung | Ihre Zeitung aus Mecklenburg-Vorpommern
Anmelden
Grimmen Wat wi allens verasen don!
Vorpommern Grimmen Wat wi allens verasen don!
Partner im Redaktionsnetzwerk Deutschland
00:00 28.10.2017

Ik heff al sehn, dat wecke Lüd’ ehr Köhlschapp so vull sin kann, dat de güst vör’n Basten is, dat dor nich eens Rum is för ’ne lütte Wiendruv’. Hebben de wat in’e Hég’ för söss Maanden odder mihr, wieldat se in eensen to bang’ sünd vör ’ne grote Katastrof? Ik bün mi vermoden, dat de gor nich mihr weten, wat deep binnen allens steht un wat dat noch to éten is. Wenn enn dat eens to vél ward, denn gahn se bi, allens to fliegen un natokieken, wat noch god is. Un denn warden se wies, wat för’n Barg in’n Fulemmer mütt.

Körtens kunnen wi hier lésen, dat de Lüd’ in Düütschland alle Johr binah 7 Miljonen Tunnen Lévensmiddels wegsmieten. Dit passiert tohus, man ok in Gasthüser, Backstuven, Kophallen usw.

Dor is vél Tied un Energi för nödig, all dit Éten un Drinken to produzieren un denn ward dor ok Veh för slacht’t. So’n Verasen un Verswutschen is nich mit antosehn! Dat kann doch nich wohr sin, dat wi Veh dod maken un dat denn halféten odder sogor unéten wegsmieten!

Klor, jedeen wier eens ahndankig un hett vergéten, de Gurk odder Zitron to Tieden uptobruken odder den Jogurt in’n apen Béker to éten, ihrer dat de kamig ward. Œvers wenn ’n Bund Wörtels verdröögt un verschrumpelt, ’n Büdel Zitronen gammelig ward, Slagrohm dree Maanden œver’n Dœgdag in’t Köhlschapp steht, ’n halvig Brod hard ward odder Tomatensos binah dat Lopen kriggt, denn is dor düchtig wat ut’e Gléd’. Wat nu don?

In’n Grunn’ bruukt een sik bloots hensetten un kort begriepen, wat de Woch œver up’n Disch sall un wat dor afslut för köfft mütt warden. Ok hier gellt: ’n god Planen spoort düchtig Geld. Ételwark kœnen wi indelen in twee Gruppen: wat wi lang’ un kort wohren kœnen, dorüm will ik dat „langwohrig“ un „kortwohrig“ nömen. Langwohrig Éten ward as Vörrad inköfft, wenn een bang’ is, dat villicht mal nix in’n Hus is. Dat sünd to’n Bispill Kunserven, Backaaft un Nudeln. Kortwohrig Éten so as frische Grönworen odder Backels, dat köfft een, wenn een dat grad’ benödigt is. Wenn doch wat œverblifft, denn kann een dat fix in’t Iesschapp leggen.

Lévensmiddels mit ’nen aflopen Minnstdœgdag sünd nich automaatsch angahn un gammelig. Surmelkkram as Jogurt odder Surrohm, de kœnen wi noch œver de Tied éten, solang’ dat Verpacken nich kaputt is. De Minnstdœgdag is nich dat glieke as de Verfallsdag, de Maker seggt dor bloots mit, wo lang’ he de Garanti géven deet, man he seggt nich, dat dat vergammelt is.

Ik heff ’nen lütten „Frietiedsburenhoff“ mit Veh un allens, wat ik nich éten do odder angahn is, dat frett dat up. Höhner, Énen, Muckers. Dat mihrste fréten de Énen un dorüm nöm ik enn ok de „tweebeenten Fedderswien“, denn de sluken allens runner as ’n Swien, frisch Tüügs un kaakt Tüügs. (In Gedanken seh ik al de rösche Hud na’n Braden.) Güst nu, leve Lésers, kümmt mi wat in’n Sinn, ’ne Schutersak sotoseggen: Wenn Ji keen Husdiert hebben don, œvers Naberslüd’ odder Bekannte, denn fragen Ji enn doch eens, wat de nich Juug Œverblievels verfodern willen. Hebben Ji ordig wat géven, denn kriegen Ji dor Äppel, Tüffeln odder ’n por Eier för torüg. Dat wier doch wat, mannich? Thorsten Filter

Würd’: fliegen – ordnen, aufräumen, Dœg/Dœgd’ – hier: Haltbarkeit, angahn – verdorben, Minnstdœgdag – Mindesthaltbarkeitsdatum, schutern – tauschen

OZ

Mehr zum Thema

Mit 86 Jahren hat John le Carré noch viel Wut im Bauch. Der britische Schriftsteller wirft der Regierung in London Unfähigkeit vor und fordert zum Widerstand gegen US-Präsident Donald Trump auf, der eine Gefahr für westliche Werte sei.

23.10.2017

Der Schauspieler Charly Hübner hat eine Dokumentation über die linke Band Feine Sahne Fischfilet aus MV gedreht / Es ist auch ein Film über seine eigenen Wurzeln

25.10.2017

Im Supermarkt steht Kohl nur beim Gemüse, aber er steckt auch im Smoothie oder in Gemüsechips. Gerade Grünkohl hat sich in den vergangenen Jahren vom unliebsamen Wintergemüse zum angesagten Superfood gemausert. Doch was macht Kohl eigentlich so gesund?

25.10.2017

Kameraden aus der Region können Kritik am sogenannten Stiefelgeld nicht verstehen

28.10.2017

Nur auf Rügen rollen Bagger, um Leitungen zu verlegen. In Vorpommern- Greifswald ist noch nicht einmal klar, welche Orte schnelles Internet bekommen sollen.

28.10.2017

Weitere Themen: Bauern beklagen Hunderte tote Tiere, Aufruhr der Garagenbesitzer in Stralsund, Sassnitzer auf großer Fahrt, Die „Kehrseite“ des Herbstes

27.10.2017
Anzeige