Menü
Ostsee Zeitung | Ihre Zeitung aus Mecklenburg-Vorpommern
Anmelden
Rügen De Meisterschuss
Vorpommern Rügen De Meisterschuss
Partner im Redaktionsnetzwerk Deutschland
00:05 17.06.2017

De Fischer von uns lütt Insel – wie woll öwerall, wo väle Kierls tohop sünd – de drünken jo ok giern ’n Lütten; ok woll twee orrer.....

So seeten se ok eenes doochs wedder tohop un dat wier oll spät, dat man woll an’t Tohusgohn dachte. De eene wohnte dor, wo „olle Molkerie“ to secht ward.

He wüsste, dat siene leewe Fru mit dat Obendbrot töwte, denn to Meddach geew dat uppen Boot bloß Stullen. Nu markte he, dat een von siene Kollegen giern noch mitkommen wull un sich denn oft fastsetten de. Dat wull he nich so giern.

Se harrn ok noch den’n gliecken Wech noh Hus.

So leep unsen Fischer so’n bäten vörut, dat de Kolleech to sich no Hus gohn sull.

Öwer de anne kreech em in un wie dat oft so wier, he güng so’n bäten mit.

Na, de leewe Fru von unsen Fischer hät dat nich gefollen – se wier öwer liekers fründlich un de Gast kreech ok bäten von dat warme Obendbrot. Nu geew dat Stamptüffel mit wat dorto. De beiden Kollegen seeten sich gegenöwer un wägen de Lustichkeit ut de Kneip kreech unsen Fischer dat in’n Kopp.

He nehm ’ne Gobel vull Stampftüffel, har de rechte Hand an den’n Griff, den’n eenen Finger von de linke Hand an de Zinken un de Klutt Stamptüffel zeichte no sienen Kollegen hen: „Ick scheet die dot!“

reep he un schnicks, flöch de Klutt röwer un het den’n annern up’t Ooch troffen un de Schiet wier heet!

De Kollech wischte sich de Stamptüffel af, füng an to rohren un sächt: „Nee, ierst loden se mi to’n Äten in un denn schmieten se mi heete Stamtüffel up’t Ooch!“

Denn stünn he up un güng no Hus. Ob he noch mitkrägen het, dat uns Fischer un sine Fru sich vör Lachen nich hollen künnen, dat weet man hüt nich mihr.

Rita Hoff

Weiter Streit um Bettenzahlen / Österreichischer Bundespolitiker soll hinter neuem Projekt stehen

17.06.2017
Rügen Bergen/Greifswald - Hilfe für 7700 Menschen

Caritas in Vorpommern zieht positive Bilanz

17.06.2017

Landkreis Vorpommern-Rügen zeichnet engagierte Ehrenamtler aus

17.06.2017
Anzeige