Volltextsuche über das Angebot:

14 ° / 3 ° heiter
Partner im Redaktionsnetzwerk Deutschland RND

Navigation:
Kiek‘t mal wedder in: Grot Stresow

Kiek‘t mal wedder in: Grot Stresow

An denn‘ klorblågen Häben wannern wenige witte Wolken. Un hier up denn ca. föffdig Meter hogen Bårg mütt sich man de Preußenkönig Friedrich Wilhelm I. denn‘ harten Wind üm de Näs weigen laten.

An denn‘ klorblågen Häben wannern wenige witte Wolken. Un hier up denn ca. föffdig Meter hogen Bårg mütt sich man de Preußenkönig Friedrich Wilhelm I. denn‘ harten Wind üm de Näs weigen laten.

Dit niech hergestellte Steendenkmal erinnert an de Landung von ca. twindig dusend Suldaten an‘n 15. Nov. 1715 in de Stresower Bucht un de Kämpfe nahdäm. Wurväl preußische, sächsische un dänische Mannslüd dorbi int Gras bieten müssten, steht œwer nardenswo schräben!

Wenn du hier båben stehst, kannst du bi disse klore Sicht eenen eenmaligen Utblick geneeten.

Rechter Hand de Insel Vilm, links de Tofohrt nåh de Having, denn dat Reddevitzer Hövt, achterto fast ganz Mönchgot un in de Fiern dat Festland mit Schottsteens von Lubmin. Glieks büst froh un tofräden, dat dit KKW nich mihr in Betrieb is. Kickst du jetzt ünnner di dål, grüßt di ganz fründlich dat Dörp Grot Stresow, wat in de letzten Johren so nåh un nåh mit niege Hüser ümmer gröter worden is. Denn freuchst du di, dat dor nich, as annerswo, kantige Klötzer hennsett‘ worden sünd un ok nich mit bunte Kalür versehn wurden. Nee, so as bi uns an de Küst von oller Tieden her meist witt sträken sünd!

Un denn givt ja noch een ganz anners, ok tämlich nieges Strohdackhus mit höldern Fachwark. Dit wat twors „Verräterhus“ nöömt, ower hät mit dit olle Vertellis nu wohrlich nix to donen. In‘t Gegendeel!

De verdammte Kierl sall doch œwer sien Husdack een wittes Laken tråken hebben, dormit de Preußen un de Dänen de Stell to‘n Anlanden god finden sulln un dat wier Landesverrat, denn Rügen hät damals to Schweden gehüürt! Un de Stresower muchten de väl leewer as de Dänen un de Preußen! Ach wat, leewe Lüd, måken wi dat kort un bünnig! An disse Geschicht is nich een Spierken Wohrheit mit an, dit hät de bekannte Sagensammler Alfred Haas schon glieks wohrschugt*, as emm dit vertellt wur! Ok Historikers kunnen gor nix finden, wat hierto passen wür. Weet de Düwel, wer sich sonen Spökelkram ut sienen Dumen sågen* hät.

Hüt nöömt sich dit ganz niege Hus midden int Dörp twors ok „Verräterhaus“, hät œwer mit dat Läuschen* bloß dit œwereen, dat man hier noch eenmal alls nahläsen un sich een vont frühere olle, mit Bläderwark fast togewossene Hus ankieken kann Un näben eene gode Upnahm mit Verklorung von‘t niege Denkmal baben upn Barg, kannst du de Oewerreste von‘t frühere noch ees besehn. För de Dörpgemeinschaft is dit Hus hier een goder Treffpunkt.

As wi dor för een poor Dågen unnerwägens wiern, kehm een ölleres Poor mit ehre Fohrrœ an, setten sich up de Bänk ant Wåder un schlogen de Rügenkort up. Schienbor kehmen se œwer woll nich so recht klor dormit. Se wullen nåh‘t Jagdschloss Granitz. Doch nich up, un nich näben de Autostraaten, de Gase künnen se afsolut nich af. Ehre Radlerkort wir gor nich so schlicht. Ick kunn enn glieks wiesen, wur‘t von hier ut wieder geht. Ehre Dankeswür heff ick noch hüt in‘t Uhr. Se gullen mi, doch noch väl mihr unse eenmalig schöne Heimatinsel, de se sich nu noch eene Woch länger to Gemöt führn würden!

Ick wünsch‘ enn un all unse Gäst ümmer klore Sicht un eene goode Fohrt!

Nokixel: *wohrschugt — wahrnehmen, auch warnen; *sågen — hier gesaugt; *Läuschen — hier Anekdote. Oewrigens, dit is miene 1400. Plattdütsch Eck in unse OZ Rügener Zeitung!

Von -wika-

Voriger Artikel
Nächster Artikel
Mehr zum Artikel
OZ-Bild
mehr
Mehr aus Rügen
Verlagshaus Rügen

Markt 25
18528 Bergen auf Rügen
Telefon: 0 38 38 / 20 14 811

Öffnungszeiten:
Montag bis Donnerstag:
9.00 bis 12.30 Uhr und von 13.00 bis 18.00 Uhr

Leiter Lokalredaktion: Jens-Uwe Berndt
E-Mail: lokalredaktion.ruegen@ostsee-zeitung.de

Benjamin Barz Ostsee-Zeitung Ostsee-Zeitung Termine, Events, Veranstaltungen Teaser der den User auf die Seite "Termine" führen soll image/svg+xml Image Teaser Termine 2015-09-23 de Veranstaltungen Aktuelle Termine Konzerte, Kino, Ausstellungen, Vorträge, Theater, Workshops, Tanz und noch vieles mehr. Alle Veranstaltungen und Freizeittipps in Ihrer Nähe finden Sie hier.
Städtewetter
Heute -° / -° -
- -°/-° -
- -°/-° -
RSS-Feeds

Wissen, was in Rostock und der Welt los ist

Benjamin Barz Ostsee-Zeitung Ostsee-Zeitung Lererbriefe, Meinung, Teaser der den User auf die Seite "Leserbriefe" führen soll image/svg+xml Image Teaser „Leserbriefe“ 2015-09-23 de Meinung Ihre Leserbriefe Über unser Kontaktformular können Sie uns gern Lob, Kritik, Ideen oder andere Anmerkungen zu aktuellen Themen aus Ihrer Region, MV und der Welt zusenden. Wir freuen uns auf Ihre Meinung. Hier geht es zum Formular.