Volltextsuche über das Angebot:

15 ° / 11 ° Regenschauer

Navigation:
Leewe Lüd, kennen ji etwa ok eene Afrikose?

Leewe Lüd, kennen ji etwa ok eene Afrikose?

Nee, nich? Ji denken dat ick mi verschräben heff? Ih wo! So as de lütt Diern up miene Fråg würklich antwurt’ hät, so kœnen ji dit jetzt hier wohrnähmen.

Nee, nich? Ji denken dat ick mi verschräben heff? Ih wo! So as de lütt Diern up miene Fråg würklich antwurt’ hät, so kœnen ji dit jetzt hier wohrnähmen. Wat ganz Schlimmes wier mit dit ganz lütte Mäten nämlich passiert. Mudders is gråd bi’t Stricken, as ehr dat mit ees dœrch denn’ Kopp schütt, dat se Pölltüffel in’n Kåkpott upn Hierd stellt har un nu nich mihr wüsst, ob se denn’ Schalter schon ankipste. Orrer äben ok nich. För Schreck fohrt se hoch, lœtt de Knütt* upn Stohl fallen, rut nåh de Kœk – un de Lütt is för ’n Ogenblick alleen.

Hät se bit güst äben noch to Föten von ehr Mudder mit een lüttes Klucken* von de glieke Wull spält, so kieken ehr jetzt de silberblanken Knüttnådeln an. Tüffelt also nah denn’ Stohl, grippt nåh eene Nådel – un grå’ in dissen Ogenblick geht de Dör up un ehr Mudding kümmt wedder rin. De Lütt verfiert sich so dull, dat se sich mit de Nådel dœrch de rechte Back fohrt – un ludhals* an to schriegen fängt. De olle Dokter wohnt nich wiet af un gift ehr glieks eene Spritz, dormit he in Ruh de Stricknadel wedder rutertrecken un de Wun’n desinfiziern un versorgen kann. Nah poor Dåg kickt he bi eenen Husbesök wedder in un frœcht, wur lang’ de Diern denn nåh de Narkos’ schlåpen hät. De Lütt kann mit dit Wurt ’Narkose’ nix anfangen. Doch dat dat to disse damalige Tied ok mal utnahmswies in Binz frische söte Aprikosen geev, hät se later, wenn de Rä’ mal up de Stricknadel-Maless* kehm, denn äben so henndreicht un stolz vertellt, dat de Unkel Dokter ehr damals eene Afrikos’ verpasst har. As se nahst gröter worden wier, un mal wedder in siene Praxis kehm, hät he ehr dormit to giern doerch denn’ Kåkau (Kakao) tråken un sienen Spåß an hat. He wier ja een Inheimischer un sprook to giern Plattdütsch, unse Muddersprååk, un har dat männigmal ok schön fuustdick achter de Uhren. Kunn œwer, wenn’t nödig wier, ok recht fuchdig warden.

Wur dœrch ick gråd jetzt up disse wohre Geschichte torüüch kam, willn ji weeten, leewe Lüd? Weil ick mi däächt argern müsst œwer de Aprikosen, de wi uns güst in’n Supermarkt tolecht harn! Se sehgen von buten so schön gäl un riep ut, dat uns dat Wåder schon int Mul tosåmen leep. Oewer in’n Laden kannst du doch nich to Prof einfach orrig rinbieten! Ach, harn wi’t bloß mål heimlich versöcht! Denn de meisten wiern hart un schmeckten gråsig. Een richtiger Rinnfall, as emm viellicht nich mål Ulenspegel passieren kunn. Dat Glieke gull ok bi niegen dütschen Äppels, de twors eene frische rode Kalür ehr eegen nennen, doch wenn du rinbittst, kannst di een, twee Tähnen afbräken, so steenhart sünd se. Nich väl anners passiert di, wenn du di de groten grönen Beernen (Birnen) to lechst un de etwa glieks verspiesen wist. Eene Mœglichkeit blifft di ja noch. Du kannst up olle Ort un Wies de Beernen un Äppel inmummeln* – wenn du to disse Johrestied di noch irgendwo Stroh besorgen kannst. Bloß, mal ganz ihrlich, wer givt sich hüt noch so grote Mäuh, wo du doch genooch Konservenååft köpen kannst?

Wenn de olle Binzer Unkel Dokter noch läben wür, ob he sich denn woll to dit Ååftvertellis freugen kunn? To mindest, wur doch siene damalige fixe Hülp so god wier, dat bi de hütige junge Fru int Gesicht nix nåhbläben is. Ick kann’t betügen! - wika-

Nokixel:*Knütt – Strickzeug; *Klucken – Knäuel; *ludhals – sehr kräftig schreien; *Maless – Malaise (französisch) Übelkeit, Unbehagen; *inmummeln – nachreifen lassen

OZ

Voriger Artikel
Nächster Artikel
Mehr zum Artikel
OZ-Bild
mehr
Mehr aus Rügen
Verlagshaus Rügen

Markt 25
18528 Bergen auf Rügen

Öffnungszeiten:
Montag bis Donnerstag:
9.00 bis 12.30 Uhr und von 13.00 bis 18.00 Uhr

Leiter Lokalredaktion: Jens-Uwe Berndt
Telefon: 0 38 38 / 20 14 53
E-Mail: ruegen@ostsee-zeitung.de

Benjamin Barz Ostsee-Zeitung Ostsee-Zeitung Termine, Events, Veranstaltungen Teaser der den User auf die Seite "Termine" führen soll image/svg+xml Image Teaser Termine 2015-09-23 de Veranstaltungen Aktuelle Termine Konzerte, Kino, Ausstellungen, Vorträge, Theater, Workshops, Tanz und noch vieles mehr. Alle Veranstaltungen und Freizeittipps in Ihrer Nähe finden Sie hier.
Städtewetter
Heute -° / -° -
- -°/-° -
- -°/-° -
RSS-Feeds

Wissen, was in Rostock und der Welt los ist

Benjamin Barz Ostsee-Zeitung Ostsee-Zeitung Lererbriefe, Meinung, Teaser der den User auf die Seite "Leserbriefe" führen soll image/svg+xml Image Teaser „Leserbriefe“ 2015-09-23 de Meinung Ihre Leserbriefe Über unser Kontaktformular können Sie uns gern Lob, Kritik, Ideen oder andere Anmerkungen zu aktuellen Themen aus Ihrer Region, MV und der Welt zusenden. Wir freuen uns auf Ihre Meinung. Hier geht es zum Formular.