Menü
Ostsee Zeitung | Ihre Zeitung aus Mecklenburg-Vorpommern
Anmelden
Rügen Rentners hürt de Signale!
Vorpommern Rügen Rentners hürt de Signale!
Partner im Redaktionsnetzwerk Deutschland
00:00 27.01.2018

Jo, lew Lüd; dat mit „Völker, hört die Signale“ het jo nich klappt. Un för uns Rentners ward oll öwer twindig Joahr dat Signoal gäben; de Renten von de Ostdütschen sallen angläken warden. Öwer alleen dat Signal helpt uns nich – wi töben dorup, dat endlich de Rentenpunkt von eenen Ostdütschen genauso 100% gellen sall as von de Westdütschen. Dat süht öwer schlicht ut. Nix as Verspräkungen – wi sünd ümmer noch Rentners tweeter Klass. Dat trefft ok de Löhne in’n Osten – wi sünd in’n ganzen noch Dütsche tweeter Klass!

Ümmer, un dat öwer twindig Joahr, ward versproaken un versproaken. Dor kann man seggen: „De Botschaft hür ick woll, alleen mi fählt de Globen“ (frei aus dem „Faust“).

Man kann den’n Globen verlieren noah all de Joahren. Dat is jo binoh ’n viertel Joahrhunnert, dat se uns an’ne Näs rümführen. In’t Grundgesetz is schräben, dat jeder Minsch in Dütschland gliek behannelt warden sall. Müsten wi Ostdütschen uns dit Recht nich inkloagen? Orrer müten wi „vernünftig” sin un nich dörch unse Födderungen de Wirtschaft schoaden? Ick glöw binoh, dat de Pullitikers so lang töwen, bet de gröttste Deel von de wegstorben is, de dorup Anspruch hebben.

Öwer wi is dat mit de jungen Lüd, de glieken Lohn för glieke Arbeit föddern? Orrer is dat doch wohr, wat manch een seggen deht, nämlich, wi in’n Osten würden ’ne westliche Kolonie sin?

Denn dordörch hebben sich de Kolonien doch uttekend, dat se ’n Absatzmarkt sünd mit billige Arbeitskräfte. Un dat geht jo wieder in’n Osten, wenn wi an Polen, Rumänien unsowieder denken.

Jo, nu warden manche denken, dat ick up’n Teppich blieben sall – do ick ok. Wi weeten jo, dat up uns nich hürt ward. Un denn wunnern sich de Pullitikers, dat de Minschen bi de Woahlen de Quittung gäben un Soaken dorbi rutkomen, de enn nich gefallen dohn.

Öwer de „Siegermentalität” von de Westdütschen markst du doch öwerall. Wegger hät de besten Posten (Willst’n Posten – geh’ in’n Osten); wegger mökt sien Geld to „Betongold” un köfft Hüser bi uns?

Denn ward wedder segt, dat is „Neiddiskussion”; nee, dat is, wägen wi uns ’n bäten Gerechtigkeit wünschen.

Wenn ick an mien Läben denk, müt ick seggen: woför warden wi noch allens bestroaft? Min Vadder is ut den’n Krieg nich wedderkommen. Dat ick in’n Osten geburen bün, hew ick mi nich utsöcht. Min Mudding wull nich mit mi in’n Westen goahn – se wull up Rügen läben. Öwer in’n Osten gew dat för de Kriegerwitwen keene Witwenrente. För mi gew dat ierst von de föfftiger Joahr an Halwwaisenrente (50 DDR-Mark). Dat seech in’n Westen ganz anners ut! Öwer wi sünd bläwen, denn dit is uns Heimat!

Nu möten wi as olle Minschen noch ees marken, dat wi woll doch wat verkiehrt moakt hebben? Nee, lew Lüd, hebben wi nich! Wi bliewen un wi hollen ut, denn hier gehüren wi hen.

Rita Hoff

Mit Hilfe der Öffentlichkeit will die Polizei einen Diebstahl aufklären, der sich auf dem Friedhof von Neuenkirchen ereignet hat. Wie erst jetzt bekannt wurde, sollen Zaunfelder gestohlen worden sein.

27.01.2018

Gäste mit dem Internet auf Rügen nur zu einem Drittel zufrieden

27.01.2018

Der Januar ist die Zeit der guten Vorsätze und die Hochsaison der Fitness-Studios: Dort wollen sich jetzt zahlreiche Insulaner als Neukunden in Form bringen.

27.01.2018
Anzeige