Volltextsuche über das Angebot:

9 ° / 7 ° Regenschauer

Navigation:
Ümmer wedder: Makt uns’ Rügen nich noch mihr kaputt!

Ümmer wedder: Makt uns’ Rügen nich noch mihr kaputt!

Ick denk, ick läs nich richdig, as ick letzten Dingsdag, 7. Juni 2016, de Lokalsiet upschlgågen do: „Über 100 Bäume fallen zwischen Strüssendorf und Ralswiek“. Dit kann doch nich wohr sin !

Ick denk, ick läs nich richdig, as ick letzten Dingsdag, 7. Juni 2016, de Lokalsiet upschlgågen do: „Über 100 Bäume fallen zwischen Strüssendorf und Ralswiek“. Dit kann doch nich wohr sin ! So heff ick mi verfiert. Nåh dat tweete Dœrchläsen mi denn œwer ierst mål begööscht*: Noch is’t ja nich passiert! Doch alleen de Gedank’, dat se dit vörhebben, måkt mi ganz fuchtig un bringt mi gliektiedig to’n Nåhdenken.

Hier find’t sich unser eener gor nich mang dœrch. Orrer sœlen wi dat etwa gor nich? Bit jetzt ist’ kort achter Samtens mit de B 96n ierst ees Schluss. Un wurans dat ringsüm Bargen losgåhnen sall?

Noch keene Rä’ von! Liekers œwer sall neechstes Johr mit de grote Mörderie von œwer hunnert olle Alleeböhm twischen Strüssendörp un Ralswiek schon anfongen warden? Wurans passt dit all tosåmen?

Wenn’t œwerhaupt noch nödig sin sull, wurüm töövt man nich, bit de Anschlüsse farig sünd? Un lœtt de Böhm länger läben?

Nee, nee, nee – ick mütt mi sülben wedderspräken! Alle ollen Strååtenböhm mütten dor ståhnen blieben, äbenso as de twischen Gustow un Poseritz un Gorz (Garz) un deelwies ok up anne rügensche Strecken! Narendwo givt dat sone eenmaligen grönen Dome*, as hier un dor. Wur oft schon kreech ick von Gäst ut de ollen Bundeslänner to hüren: „Die Alleen sind ja einmalig schön und sie gibt es bei uns schon längst nich mehr. Bewahrt sie euch!“ Weeten de Straatenplaners etwa nich, dat de ADAC 1990 sich grote Sorch (Sorge) üm de Alleen in’n Osten makte, dormit de nich, as früher in’n Westen, ok so fixing verschwinden würden?

Un weeten de klooken Plåners nich, dat Beteeknung „Deutsche Alleenstraße“ in Sellin dœrch de damalige Bundestagspräsidentin, Prof. Dr. Rita Süßmuth, an’n 3. Mai 1993 dat ierste Mal so nömt* wur. De Gedenksteen steht œwer in Putbus an’n Ingang to’n Park* ,weil an’n glieken Dag hier von ehr de Festrä’ hollen wur. Rügen is also sotoseggen de Geburtsinsel för dit ümmer gröter wardende Strååtennetz, wat jetzt schon dœrch ganz Dütschland führt! Kriegen de Verkehrsministers von Bund un Länners nich klor, dat se ok grote Verantwurtung för Natur un Heimat hebben?

Ok dorför, dat nich de Moneten ut’ Finster schmäten warden, as bi dat ierste Streckendeel. Wier de Tunnel œwerhaupt nödig wäst, wenn man sich vörher gründlich mit Unnergrund un Feuchtigkeit kundig måkt har? Un de Rambiner Brüllbeton? Vörher nich nooch de Firma up de Fingern käken? Wer lœpelt de Supp ut? De Inwahners – un wi all tosåmen! De billigste Variante is meist de düürste!

Wer up Rügen unnerwägens is, ob Inheimischer orrer Urlauber, de mütt weeten, dat man hier nich jagen dörft, nich jågen kann! Un wenn junge Lüd, ierst recht de Rüganers, dit nich begriepen, orrer nich will’n, denn mütten se eenen gehürigen Denkzettel verpasst kriegen! Secht doch een olles Sagwurt schon: „Wer nich hüren will, mütt föhlen!“ Wier ick to Anfang gegen de Leitplanken, heff ick mi längst revidiert un find’ se jetzt praktisch un god, obtwors ick ümmer weniger mit’ Auto unnerwägen bün. Bloß noch up Rügen. Liekers bewäächt mi alls, wat mit miene Heimatinsel to donen hät. Vör allen Dingen de eenmaligen Alleen!

Nokixel: *begööscht – beruhigt; *nömt – genannt; * Dome – hier als Vergleich für große Kirchen; *Park – ist leider kaum noch lesbar.

-wika-

Voriger Artikel
Nächster Artikel
Mehr zum Artikel
vian-les Bains

Für Joachim Löw ist Bundestrainer ein Traumjob. Sein zehnjähriges Dienstjubiläum möchte der 56-Jährige am liebsten mit dem EM-Titel feiern. Vor dem Turnierstart spricht Löw über seine Beziehung zu Frankreich, Kapitän Schweinsteiger, Favoriten und den Tunnelblick.

mehr
Mehr aus Rügen
Verlagshaus Rügen

Markt 25
18528 Bergen auf Rügen

Öffnungszeiten:
Montag bis Donnerstag:
9.00 bis 12.30 Uhr und von 13.00 bis 18.00 Uhr

Leiter Lokalredaktion: Jens-Uwe Berndt
Telefon: 0 38 38 / 20 14 53
E-Mail: ruegen@ostsee-zeitung.de

Benjamin Barz Ostsee-Zeitung Ostsee-Zeitung Termine, Events, Veranstaltungen Teaser der den User auf die Seite "Termine" führen soll image/svg+xml Image Teaser Termine 2015-09-23 de Veranstaltungen Aktuelle Termine Konzerte, Kino, Ausstellungen, Vorträge, Theater, Workshops, Tanz und noch vieles mehr. Alle Veranstaltungen und Freizeittipps in Ihrer Nähe finden Sie hier.
Städtewetter
Heute -° / -° -
- -°/-° -
- -°/-° -
RSS-Feeds

Wissen, was in Rostock und der Welt los ist

Benjamin Barz Ostsee-Zeitung Ostsee-Zeitung Lererbriefe, Meinung, Teaser der den User auf die Seite "Leserbriefe" führen soll image/svg+xml Image Teaser „Leserbriefe“ 2015-09-23 de Meinung Ihre Leserbriefe Über unser Kontaktformular können Sie uns gern Lob, Kritik, Ideen oder andere Anmerkungen zu aktuellen Themen aus Ihrer Region, MV und der Welt zusenden. Wir freuen uns auf Ihre Meinung. Hier geht es zum Formular.